Despuish 2008, la comuna de Pau qu’organiza lo Nadau Pirenenc: animacions de Nadau per tota la vila dab ua patinadera, ua eslissadera, passejadas en calècha, concèrts, un “vilatge de Nadau” decorat e autes eveniments mei o mensh culturaus. Tot qu’i ei gratuit.
Aquesta operacion qu’a tostemps avut ua pichona coloracion occitana, dab concèrts de grops tradicionaus, musica en occitan difusada per carrèras o distribucions gratuitas de garbura, la sopa tradicionala de Bearn.
Mes augan la nautat qu’ei la volontat d’ac afichar quasi tot en occitan en mei deu francés. Atau las afichas qui signalan las animacions que son totas bilingüas, e l’occitan qu’ei present tanben suu sit de la vila, quand aqueste ne serà pas totaument legeder en lenga nosta.
Las animacions que seràn presentas dinc au 4 de genèr.
Pascau Sebat
Aquesta operacion qu’a tostemps avut ua pichona coloracion occitana, dab concèrts de grops tradicionaus, musica en occitan difusada per carrèras o distribucions gratuitas de garbura, la sopa tradicionala de Bearn.
Mes augan la nautat qu’ei la volontat d’ac afichar quasi tot en occitan en mei deu francés. Atau las afichas qui signalan las animacions que son totas bilingüas, e l’occitan qu’ei present tanben suu sit de la vila, quand aqueste ne serà pas totaument legeder en lenga nosta.
Las animacions que seràn presentas dinc au 4 de genèr.
Pascau Sebat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 En tornar léger aqueste article que m'avisi que, en lo voler har brac e sintetic, que balhi ua vision un drin exagerada de la preséncia de l'occitan pendent aqueste eveniment.
La musica occitana, per exemple, qu'i ei presenta mes de faiçon minoritària a costat deu francés e de l'anglés. Los grans panèus d'entrada e de sortida de las atraccion que son bilingues mes los panèus qui balhan las consignas de securitat que son 100% francés, etc.
Com ac escrivèvi, lo Nadau Pirenenc qu'a ua "pichona coloracion occitana" despuish 2008 e augan dab los panèus bilingues que l'ahorteishen drin mei, mes Pau qu'ei enquèra luenh deu nivèu de visibilitat de la lenga de la Val d'Aran dens l'ensemble.
Caldría demandar al Comitat de pilotatge de Bastir que se balhen un torn a Pau per tal d'apréner d'aquesta vila que decidís de faire daurejar l'occitan, còsta e còsta damb lo francés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari