Que vien de sortir lo navèth disc de [la familha] Artús. Ua suspresa entaus qui, com jo, atenèn un navèth disc de musica tradicionau cosinada a la loa saussa, ua saussa qui sap au rock progressiu, a l’experiment, a la sudor de punk de còps, au vielhèr e au joenèr tostemps mesclats, opausats, confrontats... E ben non! Sus aqueste cincau album, pas cap de melodias tradicionaus!
Lo lor purmèr album 100% composicion, donc, e un album concèpte tanben: entà’u realizar que’s son emparats sus tèxtes inedits de Bernat Manciet e Hubert Cahuzac, qui an mes en musica dab la complicitat deu segond. Lo liberet deu disc qu’ei espés puish qu’ei tanben la purmèra edicion d’aqueste recuelh poetic mentavut Cantaplora.
Au nivèu deu son tanben qu’ei ua suspresa: aqueste còp que sona “rock”.
Ua musica plan mensh experimentau que çò d’aperabans, plan mei clara e accessibla, pas un disc de rock classic shens personalitat tanpòc: qu’i retrobam hèra d’elements qui hasèn l’identitat deu grop biarnés, la bateria e la guitarra bariton qu’i son presentas, mes que dèishan ua plaça importanta a la sonsaina, a la boha e au tamborin.
Lo grop, qui a abracat lo son nom en Artús, que serà en concèrt per Occitània, lo Bascoat e Catalonha aus mes de genèr e heurèr.
Pascau Sebat
Lo lor purmèr album 100% composicion, donc, e un album concèpte tanben: entà’u realizar que’s son emparats sus tèxtes inedits de Bernat Manciet e Hubert Cahuzac, qui an mes en musica dab la complicitat deu segond. Lo liberet deu disc qu’ei espés puish qu’ei tanben la purmèra edicion d’aqueste recuelh poetic mentavut Cantaplora.
Au nivèu deu son tanben qu’ei ua suspresa: aqueste còp que sona “rock”.
Ua musica plan mensh experimentau que çò d’aperabans, plan mei clara e accessibla, pas un disc de rock classic shens personalitat tanpòc: qu’i retrobam hèra d’elements qui hasèn l’identitat deu grop biarnés, la bateria e la guitarra bariton qu’i son presentas, mes que dèishan ua plaça importanta a la sonsaina, a la boha e au tamborin.
Lo grop, qui a abracat lo son nom en Artús, que serà en concèrt per Occitània, lo Bascoat e Catalonha aus mes de genèr e heurèr.
Pascau Sebat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ne m'an pas briga agradat los albòms precedents de la Familha Artús (per'mor d'incompatibilitat dab lo lor estile de musica) mes aqueste còp qu'èi aimat e crompat lo CD.
Com l'at avetz escriut, qu'ei un hèra bon disc de ròck. E que horni qu'i èi trobat uns quans tròç que'm hèn pensar a Magma...
#2 E lo dijaus 16 de genèr a la Dynamo a Tolosa!!!
A escotar lo divendres 24 de genièr a Carcassona (Capèl-Roge) en dobertura de du Bartàs.
E ja dins ma discotèca. Son melhors a cada album, òsca a els !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari