Actualitats
Picardia: ua “bòrda de mila vacas” contestada... dinc a Tolosa!
La mobilizacion contra lo projècte de bastir ua bòrda-usina dab mila vacas leitèras e 750 vedèths e vedèras en Picardia qu’ei quitament arribada a Tolosa, on ua manifestacion ei prevista dimars qui vien, lo 7 de genèr, a l’iniciativa de las associacions animalistas Cause Animale e L214.
Lo projècte qu’a començat en agost de 2011, en tot bastir a Drucat e Buigny-Saint-Maclou, près d’Abbeville (Picardia), ua usina giganta destinada a produsir lèit, carn e electricitat a partir deu metan de la hemsa de las vacas.
Un eslhevatge tan gran que seré un cas shens precedent en tot l’estat francés. Segon un reportatge de France 3 Picardie, los entrepreneires Michel Ramery e Michel Welter qu’an visitat Alemanha, Israèl e Ucraïna entà amassar idèas abans d’aviar lo projècte aqueth e que i auré autas bòrdas dab mantun detzenat de milèrs de vacas dens lo Monde, maugrat que los jornalistas ne precisen pas on.
De tira, l’oposicion a la “bòrda de 1000 vacas” que s’organizè e ua associacion locala de luta que’s harguè, Novissen, qui compta uei 2000 sòcis. D’autas associacions mei ancianas que’s juntèn a la loa luta, com la Confederacion Païsana, CIWF o L214. Partits politics d’esquèrra e personalitats com Yann Artus Bertrand, José Bové e Delphine Batho que’us sostienen tanben.
D’efèit, las cranhenças deus opausants que son hòrtas e que son de tres menas:
－ Que cranhen per las condicions de vita de las bèstias, qui seràn embarradas dens la bòrda-usina shens jamei anar pasturar, çò qui ei contrari aus lors besonhs e qui mia riscs d’epidemias mei hòrts que dens ua espleita classica.
－ Que cranhen peu lor environament: lo metanizaire, per exemple, en mei de la hemsa de las vacas presentas, qu’amassarà hemsa dens un arrai de 100 quilomètres e que l’esparserà sus plaça, dab consquéncias sus la qualitat de l’aire, de l’aiga e de las tèrras agricòlas a l’entorn e un risc d’accident.
－ Que denóncian un finançament opac e subvencionat e la prioritat qui afirman las autoritats francesas a un projècte gigant au detriment de l’agricultura païsana.
Accions numerosas e variadas que’s son debanadas: manifestacions, peticions e letras enviadas aus ministres e au president francés, oposicion fisica suu chantièr, accions de sabotatge e grafitis “gran format” suu quite sit (que cau estar en avion entà’u poder léger!).
Pascau Sebat
Lo projècte qu’a començat en agost de 2011, en tot bastir a Drucat e Buigny-Saint-Maclou, près d’Abbeville (Picardia), ua usina giganta destinada a produsir lèit, carn e electricitat a partir deu metan de la hemsa de las vacas.
Un eslhevatge tan gran que seré un cas shens precedent en tot l’estat francés. Segon un reportatge de France 3 Picardie, los entrepreneires Michel Ramery e Michel Welter qu’an visitat Alemanha, Israèl e Ucraïna entà amassar idèas abans d’aviar lo projècte aqueth e que i auré autas bòrdas dab mantun detzenat de milèrs de vacas dens lo Monde, maugrat que los jornalistas ne precisen pas on.
De tira, l’oposicion a la “bòrda de 1000 vacas” que s’organizè e ua associacion locala de luta que’s harguè, Novissen, qui compta uei 2000 sòcis. D’autas associacions mei ancianas que’s juntèn a la loa luta, com la Confederacion Païsana, CIWF o L214. Partits politics d’esquèrra e personalitats com Yann Artus Bertrand, José Bové e Delphine Batho que’us sostienen tanben.
D’efèit, las cranhenças deus opausants que son hòrtas e que son de tres menas:
－ Que cranhen per las condicions de vita de las bèstias, qui seràn embarradas dens la bòrda-usina shens jamei anar pasturar, çò qui ei contrari aus lors besonhs e qui mia riscs d’epidemias mei hòrts que dens ua espleita classica.
－ Que cranhen peu lor environament: lo metanizaire, per exemple, en mei de la hemsa de las vacas presentas, qu’amassarà hemsa dens un arrai de 100 quilomètres e que l’esparserà sus plaça, dab consquéncias sus la qualitat de l’aire, de l’aiga e de las tèrras agricòlas a l’entorn e un risc d’accident.
－ Que denóncian un finançament opac e subvencionat e la prioritat qui afirman las autoritats francesas a un projècte gigant au detriment de l’agricultura païsana.
Accions numerosas e variadas que’s son debanadas: manifestacions, peticions e letras enviadas aus ministres e au president francés, oposicion fisica suu chantièr, accions de sabotatge e grafitis “gran format” suu quite sit (que cau estar en avion entà’u poder léger!).
Pascau Sebat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dimarts 7 de genièr, davant la prefectura a Tolosa, 14 oras.
Lo ligam Facebook de l’eveniment.
https://www.facebook.com/events/1384471401775361/
#1 Qué dises, SERIÁ una catasstòfa si se passava en çò nòstre!!??
ES una catastròfa que se passa en Picardia!
Les umans e las vacas de Picardia meritan nòstra solidaritat tant coma les d'Occitania o de Catalonha!
Encara qu’aquò se passe fòra d’Occitània, nos cal demorar alèrta, per çò que l’Estat ac permetrà en çò nòste tanbens e aquò seriá una catastròfa per l’agricultura paisana, per las bèstias victimas e per la natura en general.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari