Actualitats
Vint ans de la revòlta zapatista en Chiapas
Lo 1r de genièr de 1994, l’EZLN comencèt sa lucha amb la Declaracion de la Selva Lacandona e amb lo Soscomandant Marcos coma figura mediatica e intellectuala de referéncia
Ongan fa vint ans de la revòlta zapatista en Mexic. Lo 1r de genièr de 1994, lo jorn qu’intrava en vigor l’Acòrdi Nòrd‑American de Liure Escambi (NAFTA, segon sa sigla en anglés) entre Mexic, los Estats Units e Canadà, l’Armada Zapatista de Liberacion Nacionala (EZLN, segon sa sigla en espanhòl), irrompiá dins la vila de San Cristóbal de Las Casas, en Chiapas, e èra dirigida pel Soscomandant Marcos. Après doas setmanas d’afrontaments armats, e aperaquí 300 mòrts, lo president mexican Carlos Salinas de Gortari decretèt una alta al fuòc. Alavetz, lo movement zapatista se proclamèt pòrtavotz dels indigènas mexicans e entreprenguèt un projècte de transformacion politica e sociala que venguèt una referéncia dels movements altermondialistas de pertot.
____
Caminanteses un filme documentari dirigit en 2001 per Fernando León de Aranoa sus lo soslevament del movement zapatista.
Dins aquel vidèo se pòt entendre l’àudio original de la Declaracion de la Selva Lacandona (1r de genièr de 1994):
____
Caminanteses un filme documentari dirigit en 2001 per Fernando León de Aranoa sus lo soslevament del movement zapatista.
Dins aquel vidèo se pòt entendre l’àudio original de la Declaracion de la Selva Lacandona (1r de genièr de 1994):
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 as rason tiston. damb arguments atau, t'ic ganhas tot. supèrbe. implacable !
òsca, jornalet ! cambiitz pas ren !
#3 Per nos cagar sul nas de bracas d'actualitat cap e tot destacadas de la mendra opinion critica (coma als jornals televisats francofòns per exemple), beneficiam ja dels servicis en linha de l'Agence France Presse, que nos pond tot çò que l'intelligéncia financiarista mondiala nos vòl far engolir fins a nos far trobar normal que los rics venguen sempre mai rics e los paures sempre mai paures, dins un mond de mai en mai sagatat per las consequéncias desastrosas del productivisme consumerista desbridolat. Alara lo punt de vista expausat aicí, que me parla d'una partida del mond ont las gens son pro despertadas e coratjosas per ensajar de foncionar autrament, dins lo respecte de cadun e de la natura que nos pòrta, un article aital, redigit dins ma lenga, una lenga fòra del sistèmi financiarista mondial, un article aital me fa de ben. Es per aiçò que legissi lo Jornalet, non aps per me gaitar lo monilh localista e lo trobar mai polit que lo del vesin. Mercés plan al Jornalet !
#3 Headshot
plan jugat.
per contre, com ic èi dejà dit, desolat de me repetir, mès me motiva pas gaire mei d'avançar shens sàber cap ad ont. se hèm una amassada entre tots los redactors motivats, per parlar de linha editoriala, de collaboracion dens lo tractament deus subjèctes, e de l'equilibri entre articles d'opinions e d'actualitat ? sui disponible cada dimenjada o quasi, e motivat per anar a l'aran, quitament...
#1 Ebé mancan las nòvas qu'arunan tu mandavas al Jornalet. Çò que manca pas jamai son tos comentaris repotegaires ;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari