Es nascut un nòu sit Internet de solidaritat internacionalista nomenat Auba Vermelha. Segon los blogaires activistas que lo menan, aquel sit cèrca de “bastir un movement de liberacion revolucionari en Occitània” e de “har conéisher las lutas revolucionàrias e mei largament popularas dens lo mau nomenat Tèrç Mond”. De fach, aquelas doas tòcas serián “dus camins intimament ligats”, segon çò qu’an declarat a Jornalet.
E mai s’Auba Vermelha es un blòg “dubèrtament comunista”, los blogaires cèrcan de trabalhar amb totas las sensibilitats politicas que sián progressistas e inscrichas dins “un internacionalisme de combat”. Dins lo contèxt actual de crisi, “la dusau crisi majora deu capitalisme”, los païses que mai sovent avian de luchas popularas “que’ns mòstran lo camin”.
A l’ora d’ara son a trabalhar, sustot, amb de movements d’America del Sud, mai que mai de Brasil, e es per aquò qu’an causit aquel nom: “Auba Vermelha qu’ei de bon comprene taus lusofòns e ispanofòns, e qu’ei tanben lo mejan de har conéisher la nosta pàtria occitana denegada dens lo movement popular d’aqueste país.”
Lo trabalh de la còla d’Auba Vermelha es la traduccion de tèxtes e lor difusion per far conéisser la situacion d’Occitània en aqueles païses, e vicevèrsa. Al delà, que participan activament als aplecs de qualques organizacions revolucionàrias, dont Libertat dins lo país nòstre. Que trabalhan tanben amb lo Centre Brasilièr de Solidaritat amb los Pòbles (Cebraspo) en tot far de difusion, quitament en francés pel mitan francofòn, “mès que’vs podètz rassegurar, n’èm pas considerats coma francés!”, çò apondon los occitans d’Auba Vermelha.
E mai s’Auba Vermelha es un blòg “dubèrtament comunista”, los blogaires cèrcan de trabalhar amb totas las sensibilitats politicas que sián progressistas e inscrichas dins “un internacionalisme de combat”. Dins lo contèxt actual de crisi, “la dusau crisi majora deu capitalisme”, los païses que mai sovent avian de luchas popularas “que’ns mòstran lo camin”.
A l’ora d’ara son a trabalhar, sustot, amb de movements d’America del Sud, mai que mai de Brasil, e es per aquò qu’an causit aquel nom: “Auba Vermelha qu’ei de bon comprene taus lusofòns e ispanofòns, e qu’ei tanben lo mejan de har conéisher la nosta pàtria occitana denegada dens lo movement popular d’aqueste país.”
Lo trabalh de la còla d’Auba Vermelha es la traduccion de tèxtes e lor difusion per far conéisser la situacion d’Occitània en aqueles païses, e vicevèrsa. Al delà, que participan activament als aplecs de qualques organizacions revolucionàrias, dont Libertat dins lo país nòstre. Que trabalhan tanben amb lo Centre Brasilièr de Solidaritat amb los Pòbles (Cebraspo) en tot far de difusion, quitament en francés pel mitan francofòn, “mès que’vs podètz rassegurar, n’èm pas considerats coma francés!”, çò apondon los occitans d’Auba Vermelha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 Héhé ! As ensajat de picar Masdiset dens lo camp de recerca dau site ? E t'an agradat tots los articles sus la liga 1 de football en 2012?
#12 Bona annada Pjm!
Que soi segur qu'ès quauqu'un de hòrt interessant en dehòra d'aqueste siti mes que comença de'm hartar drin la toa faiçon de repotegar sistematicament quand lo jornalet parla de causas confidencialas : qu'èm sus un sit d'informacion en occitan, ua lenga minoritària e minorisada.
Si ne podem pas parlar de causas minoritàrias o mèma ULTRA minoritàrias ací, lavetz on?
A jo que m'agrada mei un jornal qui parla de tres peluts comunistas qui an hèit un sit en occitan qu'un jornalet qui non parlèsse sonque de çò qui entenem suus media franchimands e catalans?
Desolat si la mea franquesa e't truca mes dab tot lo temps qui as consacrat a romegar e ironisar sus la maishanta qualitat deus articles e deus debats, qu'aurés podut har au mensh UN article de qualitat!
En nombre de caractèrs que soi segur que los tons romegadís equivalen au mensh a DUS articles.
Escríver n'ei pas tant dur e que semblas intelligent.
S'as besonh de conselhs que'm pòts contactar via la mea paja de blogaire.
#7 Qu'es aisit de qualificar ansín de marridas lengas lei qu'an fach lo liame Libertat/ Libertas. Qué beu procés d'intencion! Es beu, es flame, una autra ideia dau debat democratic!
Lo parallele l'ai fach tre la debuta, e n'ai parlat émé lei militants, non pas per enveja de vos rompre leis alibòfis, mai perqu'es un fach: au moment que lo moviment es neissut, efectivament Nihous, de Villiers e lo resta an lançat Libertas.
La responsa que mi fuguèt facha per Libertat quand lo faguèri remarcar, era que lei gents farián la differencia. Personalament, pensi pas, per la simpla e bòna rason que Libertat a agut degun resson dins qunte media que siegue (Lei "media occitan" comptan pas).
Tanben per la simpla e bòna rason que tot lo monde si branda d'un gropuscule libertari-cripto-nacionalista-occitan que recampa au maximum 30 colhons ("colhon" siegue dich sens jujament de valor, tot parièr per lo PNO, tot parièr per lei fans de Doctors de Trobar, vos vesi venir).
Bessai qu'entre nautrei, gents dau mitan, la diferencia es clara. Per lo conard que vei vòstreis autocollants per carrieras, que coneís ren au deliri occitan, la diferencia Libertat/ Libertas es pas tant clara.
Cresiáu qu'en tant que moviment autoproclamat "populari", era l'avejaire dau conard de la carriera que comptava.
#11 aquesta mena de reflexion hòrt argumentada, dens los comentaris d'un article eth-medish de granda qualitat e cargat de concèptes, aquí çò milhor de la nòsta civilizacion...
#7 La maoïsme es pas de comunisme. Lo maoïsme es antidemocratic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari