Lo collectiu Viure, Decidir e Trabalhar en Bretanha, a l’origina del nomenat movement dels “bonets roges“, organizèt ièr una nòva accion simbolica, après la reüssida manifestacion del 2 de novembre e de la fèsta reivindicativa del 30 de novembre passats. “Cadun sul sieu pont“ es lo nom de l’accion de ièr, que mobilizèt de manifestants sus totes los ponts que ligan las quatre estradas principalas de Bretanha “de Brèst a Roazhon, de Roazhon a Naoned, de Naoned a Kemper, de Kemper a Brèst”.
 
Amb l’operacion “Cadun sul sieu pont”, que se debanèt d’un biais descentralizat entre 13h e 17h, lo collectiu exigís tornarmai “la supression de l’ecotaxa e la mantenença de la gratuïtat de las autoestradas en Bretanha”, doas de las principalas revendicacions qu’originèron aquel movement ciutadan de protèsta en novembre passat.
 
La protèsta a pas cercat d’ocupar ne de blocar la circulacion de veïculs, mas de mostrar lor sosten a lors  revendicacions amb la preséncia fòrça visibla dels bonets roges e de las bandièras bretonas per tot lo país.



_____
7Seizh: L’opération « Chacun son pont » : une réussite !