Actualitats
Espectaclós incendi al centre vila de Marselha
I a una persona desapareguda. Lo fuòc a provocat que quatre personas ajan agut d'èsser sonhadas. 168 pacients de l’Espital europèu foguèron desplaçats pendent qualques oras
Un incendi espectaclós se debanèt ièr a miègjorn al centre vila de Marselha en seguida d’una pèrda de gas. Lo fuòc prenguèt en plena carrièra dins lo quartièr de La Jolieta, e foguèt amortat qualques minutas après 13h gràcias a l’intervencion dels pompièrs. La pèrda de gas foguèt provocada pels trabalhs que se fasián en carrièra, dont un dels soldaires que trabalhavan es desparegut, segon çò que rapòrta La Provence. Al delà, dos pompièrs an patit una calorada, un òme de 66 ans a patit una leugièra intoxicacion, e una femna a patit una leugièra indisposicion; la femna es estada sonhada sus plaça.
Se trobèt que l’Espital europèu se troba dins la proximitat del luòc de l'incendi, e 168 pacients foguèron evacuats per mesura de precaucion. A 15h30 los pacients poguèron tornar dins lor unitat de suènh.
Segon d’informacions de l’AFP, publicadas sus Le Figaro, las flamas atenguèron qualques desenats de mètres, e qualques apartaments prenguèron fuòc dins los immòbles vesins.
Foguèt dobèrt d’urgéncia lo gimnàs de Fonscolombes al quartièr de la Vileta per aculhir los abitants concernits.
Marseille : violent incendie près de l'Hôpital...per LaProvence
Se trobèt que l’Espital europèu se troba dins la proximitat del luòc de l'incendi, e 168 pacients foguèron evacuats per mesura de precaucion. A 15h30 los pacients poguèron tornar dins lor unitat de suènh.
Segon d’informacions de l’AFP, publicadas sus Le Figaro, las flamas atenguèron qualques desenats de mètres, e qualques apartaments prenguèron fuòc dins los immòbles vesins.
Foguèt dobèrt d’urgéncia lo gimnàs de Fonscolombes al quartièr de la Vileta per aculhir los abitants concernits.
Marseille : violent incendie près de l'Hôpital...per LaProvence
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo quartier en question, coma lo precisa aquel article, es aqueu de la Vileta :
http://www.laprovence.com/article/actualites/2697491/marseille-les-sinistres-du-marceau-entre-soulagement-et-desespoir.html
"Le spectaculaire incendie de la Villette a totalement ravagé 6 appartements"
;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari