Actualitats
La princessa Cristina, filha del rei d’Espanha, inculpada per blanquiment de capitals e frauda fiscala
Lo jutge espanhòl José Castro, a inculpat l’enfanta Cristina de Borbon, filha del rei Joan Carles I d'Espanha, per frauda fiscala e blanquiment de capitals, e l’a convocada pel 8 de març al tribunal de Palma de Malhòrca.
En abrial de 2012 lo jutge l’aviá ja mesa en examèn un primièr còp per trafec d’influéncia, mas aquela decision foguèt annulada en seguida d’un recors del ministèri public. Lo jutge cerca a establir se l'enfanta Cristina a de ligams amb las presomptivas activitats fraudolosas de son marit, Iñaki Urdangarin, un èx-esportiu vengut òme d’afars, qu’a sos 45 ans es suspècte d’aver desviat 6,1 milions d’èuros d’argent public amb son ancian associat, Diego Torres, quand èra lo president d’una societat non-lucrativa nomenada institut Nóos.
L’inculpacion arriba al pièger moment pel rei Joan Carles I, que dimenge passat festegèt son 76n anniversari, e qu'al mitan d'una ceremònia militara se mostrèt aparentament fatigat, en tot s’enganar sovent quand legissiá son discors.
A l’ora d’ara, la resolucion del jutge, de 227 paginas, atribuís a l'enfanta dos delictes punits severament pel còdi penal espanhòl. L’emblanquiment de capitals implica una pena d'empresonament de fins a sièis ans e una esmenda que pòt triplar la soma afectada. De mai, lo delicte fiscal pòt implicar un maximum de cinc ans de preson e una sancion economica.
L’avocat de l’enfanta Cristina, Miquel Roca i Junyent, a anonciat la presentacion d'un recors contra aquela convocacion. Se se tornèsse revocar la mesa en causa, lo jutge se poiriá pas mai metre en causa l’enfanta.
En abrial de 2012 lo jutge l’aviá ja mesa en examèn un primièr còp per trafec d’influéncia, mas aquela decision foguèt annulada en seguida d’un recors del ministèri public. Lo jutge cerca a establir se l'enfanta Cristina a de ligams amb las presomptivas activitats fraudolosas de son marit, Iñaki Urdangarin, un èx-esportiu vengut òme d’afars, qu’a sos 45 ans es suspècte d’aver desviat 6,1 milions d’èuros d’argent public amb son ancian associat, Diego Torres, quand èra lo president d’una societat non-lucrativa nomenada institut Nóos.
L’inculpacion arriba al pièger moment pel rei Joan Carles I, que dimenge passat festegèt son 76n anniversari, e qu'al mitan d'una ceremònia militara se mostrèt aparentament fatigat, en tot s’enganar sovent quand legissiá son discors.
A l’ora d’ara, la resolucion del jutge, de 227 paginas, atribuís a l'enfanta dos delictes punits severament pel còdi penal espanhòl. L’emblanquiment de capitals implica una pena d'empresonament de fins a sièis ans e una esmenda que pòt triplar la soma afectada. De mai, lo delicte fiscal pòt implicar un maximum de cinc ans de preson e una sancion economica.
L’avocat de l’enfanta Cristina, Miquel Roca i Junyent, a anonciat la presentacion d'un recors contra aquela convocacion. Se se tornèsse revocar la mesa en causa, lo jutge se poiriá pas mai metre en causa l’enfanta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tant que saràs pro pàntol per te faire de reis,
pòble saràs totjorn traït
Un poeta obrèr deu sègle XIX dont lo nom m'escapa...
Fòrça ben. Se capitan de far pagar aquela bèla princessa fin de raça, farè plaser a las caissas d'Espanha.
Aquò dich, los Borbons d'Espanha son fondamentalament una subrevivéncia anecdotica. Mai important (e one more time) : quora se tracharè de far pagar lo mond implicats dins l'afar Barcenas, que tòcha las finanças dau PP ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari