Actualitats
GP de Mónegue. Schumacher faguèt lo melhor temps mas Webber sortís de la "pole position"
L'alemand atenhèt lo melhor temps, mas davalèt cinc posicions a la grasilha de sortida per una sancion. Webber sortís uèi dempuèi la primièra posicion.
Lo pilòt alemand Michael Schumacher atenguèt lo melhor temps dins los entraïnaments oficials del Grand Prèmi de Mónegue, amb un temps de 1:14.301 en un darrièr torn fantastic. Ça que la, una sancion precendenta, quand en Catalonha piquèt contra l'auto de Bruno Senna, li faguèt perdre cinc posicions a la grasilha de sortida d'uèi.
Alavetz, lo primièr luòc de la grasilha es estat per l'australian Mark Webber, que faguèt lo segond melhor temps. L'acompanha en primièra linha Nico Rosberg, que demostrèt amassa amb Schumacher que los Mercedes seràn uèi complicats de batre.
L'estonament dels entrainaments oficials foguèt Jenson Button. L'anglés, amb lo sieu McLaren, a pogèt pas luchar per la "pole position" en tot aténher 12a posicion.
Aprèp lo començament de la sason de Formula 1, cada Grand Prèmi a conegut un venceire diferent. Lo legendari Grand Prèmi de Mónegue serà benlèu lo jutge de patz de la sason.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma ditz lo savi (sai pas pus s'èra Teodòr Monod o Albert Jacquard), aquò de partir coma un caluc per virar en redond coma un destimborlat e acabar, après aver gastat un fum de petròli, al punt de partida, es una colhonada màger que ne ditz pro sus l'estat mental de l'homo sapiens sapiens.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari