Actualitats
Manuel Valls: “nos cal pas aver paur de las lengas regionalas”
Lo ministre de l’interior francés se manifestèt tanben “inquiet” a prepaus del procès independentista catalan, dins sa vesita en Bretanha
“Nos cal pas aver paur de las lengas regionalas”, çò diguèt divendres passat Manuel Valls a Kemper (Bretanha). Lo ministre francés de l’interior anonciava aital l’engatjament de François Hollande de ratificar la Carta Europèa de las Lengas Regionalas o Minoritàrias. Dins aquel sens, lo ministre diguèt qu’Hollande deviá “trobar una majoritat per o poder far”, segon çò que raportèt Ouest France.
Interrogat pels jornalistas a prepaus del referendum d’independéncia de Catalonha, Valls diguèt qu’èra “pas d’acòrdi” e se diguèt quitament “inquiet”. En seguida revendiquèt la posicion de l’istoriana Mona Ozouf, filha de nacionalistas bretons, que se ditz 100% bretona, 100% francesa e 100% republicana.
Per çò qu’es del movement dels bonets roges, Valls demandèt de temps. “L’ecotaxa es suspenduda, pas suprimida, e avèm una reflexion generala sus la fiscalitat. Donatz-nos de temps”, çò respondèt lo ministre francés.
Valls vesitèt Bretanha dijòus e divendres passats amb una agenda tota plena d’activitats.
Interrogat pels jornalistas a prepaus del referendum d’independéncia de Catalonha, Valls diguèt qu’èra “pas d’acòrdi” e se diguèt quitament “inquiet”. En seguida revendiquèt la posicion de l’istoriana Mona Ozouf, filha de nacionalistas bretons, que se ditz 100% bretona, 100% francesa e 100% republicana.
Per çò qu’es del movement dels bonets roges, Valls demandèt de temps. “L’ecotaxa es suspenduda, pas suprimida, e avèm una reflexion generala sus la fiscalitat. Donatz-nos de temps”, çò respondèt lo ministre francés.
Valls vesitèt Bretanha dijòus e divendres passats amb una agenda tota plena d’activitats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nos cal subretot aver paur de Manuel Valls! Aquel òme es dangierós e ieu, espèri que despareisserà lèu-lèu de l'espaci politic.
#12
Ben vist !
Estat coccitan e catalan, oc-ben !
Republica franchimanda, no !
La República, li valors de la República...e tot le demai ! N'avèm una forra d'aquelu discors estilisats e; ben oliats que lo poder francimand nos repèpia de lònga. Que li demòra au poder francò-parisenc de republican ? Una allegoria, una expression pietadosa, vuèia de sens, e dire que li a encara tant de colhons (occitans enclaus) per surbir aquela marrida sopa. Aquelu sauta-mi davants de politicaires francés s'avísan pas, ò voàlon pas s'avisar, que lo vent a començat de virar perqué aquò li balha lo tibo-tibo.
Aquesta vidèo me lèva l'ausir e lo veire.
Quand escoti la messa republicana del Sénher Valls, me demandi se cal aver paur d'aquel personatge. En mai d'aquò, podèm veire al costat lo sieu acolit " breton " ( lo Sénher Poignant ) amb son eissarpa republicana ( blava, blanca e roja ) que escota republicanament amb d'uèlhs esterlucats lo presic del grand ministre del País mai polit del mond dins la lenga mai polida del mond.
E cric e crac lo conte republican es acabat.
De segur, aquelas lengas son a morir...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari