Actualitats
Una maire occitana parla de son filh endroctrinat e mòrt en Siria
Lo jornal Libération li dona la paraula dins una entrevista ponhenta. Domenja Bons i denóncia lo manipòli integrista e l’indiferéncia del govèrn francés
La guèrra civila de Siria vei s’afrontar de camps plan divèrses. Contra l’armada del dictator Bashshar Al Asad, i a de rebèls armats fòrça desunits. Certans rebèls practican un integrisme pseudomusulman e recrutan de jovenòmes venguts d’autres païses.
A Tolosa, Domenja Bons explica, dins una entrevista a Libération, cossí a perdut son filh Nicolau, embrigadat en Siria per los jihadistas e decedit lo 22 de decembre dins una operacion suicidària, mentre qu’aviá 30 ans. Lo mièg fraire de Nicolau, Joan-Danièl —nascut del meteis paire—, tanben aviá rejonch los jihadistas e moriguèt al combat l’11 d’agost passat.
Domenja Bons denóncia aquel jihadisme que manipula sos joves combatents coma de carn de canon. Tanben condemna l’indiferéncia del govèrn francés que, segon ela, compren pas res a aqueles dramas umans. Domenja Bons a contactat d’autras familhas qu’an conegut de tragèdias similaras e ven de fondar una associacion nomenada Syrien Ne Bouge Agissons (Sirian Bolega Pas Agiscam / Se Res Bolega Pas Agiscam).
A Tolosa, Domenja Bons explica, dins una entrevista a Libération, cossí a perdut son filh Nicolau, embrigadat en Siria per los jihadistas e decedit lo 22 de decembre dins una operacion suicidària, mentre qu’aviá 30 ans. Lo mièg fraire de Nicolau, Joan-Danièl —nascut del meteis paire—, tanben aviá rejonch los jihadistas e moriguèt al combat l’11 d’agost passat.
Domenja Bons denóncia aquel jihadisme que manipula sos joves combatents coma de carn de canon. Tanben condemna l’indiferéncia del govèrn francés que, segon ela, compren pas res a aqueles dramas umans. Domenja Bons a contactat d’autras familhas qu’an conegut de tragèdias similaras e ven de fondar una associacion nomenada Syrien Ne Bouge Agissons (Sirian Bolega Pas Agiscam / Se Res Bolega Pas Agiscam).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Qu'ei en amont qui cau agir.
3 exemples :
I a 50 ans a Niça per s'integrar conoissi una familha de bèlgas que devenguèt mai militanta occitana niçarda que de familhas niçardas despuei de generacions. Parlavan niçard.
Autre exemple, mai recent, una amiga niçarda dins un quartier popular, s'es convertida e a pres lo vel. Lo darrier còp que la veguèri, aviá un parlar amb mai d'expressions arabas : "insh ala, mangi pas de ralof, zarma, abdolila, el es un amic roía...".
Al revenge, conoissi un murador amasig que trabalhèt coma obrier e aprenguèt l'occitan niçard al trabalh vèrs 1970.
i son de causas que destorban :
- coma foguèron recrutats a Tolosa ? Implica l'existéncia de filièras islamistas activas e ben proselitas (coma en las vilas grandas d'Occitània e dins d'autras vilas europèas, çò qu'es pas una excusa) ;
- de que discors es tengut e dins quin ambient social son per èstre anats fins al cap, voler cambiar de lenga, de país, jogar al soldat : apréner l'arab, partir en tèrra araba, anar al combat militar religiós ;
- dins un estat laïc e modèrn, coma lo nòstre, perque dos joves occitans an de besonh de se convertir -coma d'autres que conoissèm per los mèdias e/o dins nòstre entorn- per defendre de principis rigoristas de l'islam e devenir mai rigides que los imigrats de tradicion musulmana ?
Aurián poscut apréner l'occitan, legir las bíblias catara/ valdesa, s'interessar al catarisme, al protestantisme, èstre actiu per los dreches d'Occitània, mas l'an pas causida aquela draia.
I seriá un efèct de mòda, de quartier, de mèdias ?
En França lo voide cultural fa que cercar sas racinas, cercar sas originas es dificil, alora van ne'n trobar autra part ?
Un pauc coma un collèga a ieu, occitan, que s'interessèt al celtisme, a la religion druïdica,a la lenga bretona a pantaisar d'autra causa, a pantaisar -en riba de Mediterranèa- de Bretanha, d'Irlanda...
Una amiga que pantaisava de Canada, de cambiar de vida amb d'espacis grands glaçats e de viure a Quebèc. Ancara un autre de viure als EUA (USA).
Cal dire que quitament ieu, foguèri temptat per totas aquelas draias possiblas : per la frequentacion d'amics musulmans a una conversion a l'islam, aprendissatge de l'arab la lenga sorça de l'islam. A un autre moment de ma vida voliái cambiar de vida, aver mai de natura fèra, anar al Canada francofòn, puei a un autre apréner lo catalan, viure al Principat de Catalonha e participar a la bastison d'un país... e ancara dins un autre periòde voliái partir de zèro, viure en Val d'Aran en lenga occitana e dins un ambient de montanha.
Es mauaisit coma subjècte.
Sabi pas s'es possible d'interdíser un engatjament causit d'un adulte.
La mòrt deu joen, solide, es un element que tusta la consciéncia, mès podèm pas empaishar quauqu'un de causir liurament una luta per s'engatjar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari