Una granda manifestacion, de las mai multitudinàrias que se’n remembran al Bascoat, amassèt dissabte passat a Bilbao de milièrs de manifestants en una mobilizacion unitària, convocada pel Partit Nacionalista Basco (EAJ-PNV), Sortu, Eusko Alkartasuna (EA), Aralar, Alternatiba, amb l’adesion de Geroa Bai e dels sindicats ELA e LAB. Segon la polícia, manifestèron 130 000 personas. Amb lo lèma “Dreches umans, acòrdi, patz”, la manifestacion venguèt istorica per son aspècte unitari; e respondiá a l’enebicion que lo jutge Eloy Velasco, de l’Audiéncia Nacionala espanhòla, aviá facha a una autra manifestacion de sosten als presonièrs bascos.
Tre aquela enebicion, lo collectiu Tantaz Tanta (gota a gota) desconvoquèt la manifestacion qu’aviá organizada, e just en seguida, tot lo nacionalisme basco reünit convoquèt d’urgéncia aquela manifestacion de dissabte.
De fach es lo primièr còp que l’esquèrra independentista e lo Partit Nacionalista Basco convòcan amassa una manifestacion per cambiar la politica penitenciària dels presonièrs bascos dins l’encastre del procès de patz.
Chepic dins los partits espanholistas
La reüssida d’aquela manifestacion a chepicat los partits nacionalistas espanhòls, mai que mai lo Partit Popular (PP) e lo Partit Socialista (PSÒE), qu’an reagit en atacant lo Partit Nacionalista Basco (EAJ-PNV). Los del PP i veson, en mai d’aquò, de similituds amb lo procès catalan en tot acusar l’EAJ-PNV “d’assumir los expausats de Batasuna” e en tot dire qu’aquò “s’acabarà coma Sénher Mas en Catalonha”.
De son costat, lo Partit Socialista a ja demandat al cap del govèrn basco de respondre “se vòl trencar los acòrdis de las darrièras annadas o se vòl bastir la convivéncia dins lo sens que vòl l’esquèrra independentista”. La pòrtavotz socialista del Bascoat, Idoia Mendia, apondèt que la manifestacion de dissabte “foguèt pas pels dreches umans e la patz, mas per demandar una amnestia que los quites presonièrs avián ja denegat coma possibilitat lo 28 de decembre passat”. De mai, planguèt que l’EAJ-PNV anèt encerar las bòtas de Sortu”.
Tre aquela enebicion, lo collectiu Tantaz Tanta (gota a gota) desconvoquèt la manifestacion qu’aviá organizada, e just en seguida, tot lo nacionalisme basco reünit convoquèt d’urgéncia aquela manifestacion de dissabte.
De fach es lo primièr còp que l’esquèrra independentista e lo Partit Nacionalista Basco convòcan amassa una manifestacion per cambiar la politica penitenciària dels presonièrs bascos dins l’encastre del procès de patz.
Chepic dins los partits espanholistas
La reüssida d’aquela manifestacion a chepicat los partits nacionalistas espanhòls, mai que mai lo Partit Popular (PP) e lo Partit Socialista (PSÒE), qu’an reagit en atacant lo Partit Nacionalista Basco (EAJ-PNV). Los del PP i veson, en mai d’aquò, de similituds amb lo procès catalan en tot acusar l’EAJ-PNV “d’assumir los expausats de Batasuna” e en tot dire qu’aquò “s’acabarà coma Sénher Mas en Catalonha”.
De son costat, lo Partit Socialista a ja demandat al cap del govèrn basco de respondre “se vòl trencar los acòrdis de las darrièras annadas o se vòl bastir la convivéncia dins lo sens que vòl l’esquèrra independentista”. La pòrtavotz socialista del Bascoat, Idoia Mendia, apondèt que la manifestacion de dissabte “foguèt pas pels dreches umans e la patz, mas per demandar una amnestia que los quites presonièrs avián ja denegat coma possibilitat lo 28 de decembre passat”. De mai, planguèt que l’EAJ-PNV anèt encerar las bòtas de Sortu”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Çò qu'ei ridicule qu'ei de hèr un comentari sus era lenca d'un article deth Jornalet EN FRANCÉS !!!
Senon, bona inciativa deths bascos, eths partits espaniolistas be hèn véger era loa cara vertadèra quan eth País Basco e gaha integralament era virada democratica !
Ara manca una manifestació històrica a Occitània!!!!
L'utilisation du terme gascon de Bascoat (avec chute du n intervocalique) dans un texte en languedocien est assez ridicule.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari