Actualitats
Lo poder economic e politic en Espanha es plen d’“enfants de franquistas”
Una lista mòstra los ligams de fòrça dirigents espanhòls amb de personalitats del regim de Franco
Fòrça òmes e femnas amb lo mai de poder politic e economic d’Espanha son d’enfants del franquisme. Demest los dirigents politics actuals dels dos principals partits politics (PP e PSÒE), e demest los accionaris majorals de las grandas entrepresas, i a de mond qu’an de ligams força dirèctes amb de personalitats del regim del General Franco, dictator de l’estat espanhòl fins en 1975.
Un compte de Twitter nomenat @LaLluna_LaPruna (en remembrant lo nom d’una cançon infantila catalana) a difondut aqueles ligams mejançant l’etiqueta #FillsDeFranquistes (enfants de franquistas). Fòrça internautas n’an fach difusion e Eloi Aymeric, un sòci de l’Assemblada Nacionala Catalana, los a amassats dins lo montatge fotografic que seguís.
Un compte de Twitter nomenat @LaLluna_LaPruna (en remembrant lo nom d’una cançon infantila catalana) a difondut aqueles ligams mejançant l’etiqueta #FillsDeFranquistes (enfants de franquistas). Fòrça internautas n’an fach difusion e Eloi Aymeric, un sòci de l’Assemblada Nacionala Catalana, los a amassats dins lo montatge fotografic que seguís.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai un pauc lo meteis analisi qu'en Viaule. Aprèp 40 ans de franquisme, los "enfants del franquisme" son forçadament nombroses, coma los "enfants del comunisme" en ex-URSS, o los "enfants de la colonisacion" dins maites paises africans. Cal pas reprochar los aujols. Cal benlèu pas tanpauc reprochar totes los engatjaments del temps del franquisme (president d'universitat...).
Aprèp, quand se coneis lo pes de la reproduccion sociala, se cal pas estonar de vèire de descendents d'ancians dirigents a aquelas plaças (los estudis, las relacions, l'ambicion...). Se podria far aquel estudi en França, simplament al nivèl dels elèits actuals, e se remarcaria que son de descendents de "plan plaçats" del temps de De Gaulle, e de Pétain, e de la tresena Republica... que quitament la Revolucion francesa, que trebolèt tant la societat, capitèt pas a renovelar totalament los elèits del sègle XIX...
Solament, Grupo Godó es pas contra lo drech de decidir. Me'n seriái avisat. a mai de jornalet, cada jorn legissi La Vanguardia.
E cresi pas que los Godó sián jamai estats franquistas. Jornal istoricament monarquic es pas sinonime de franquista. Pendent la dictadura totes los jornals d'Espanha èran contrarotats pel fascisme. Totes.
E abans, pendent la guèrra d'espanha, 1936-1939, La Vanguardia èra un jornal que fasiá cagar a totes amb sa divisa: "La Vanguardia. Diario al servicio de la democracia".
Cal èsser just.
Jo, soi trucat per la purmèira frasa de l'article : "Fòrça òmes e femnas amb lo mai de poder politic e economic d’Espanha son d’enfants del franquisme." Soi pas sociològue o estatisticien especialista d'Espanha. Benlèu qu'aquesta frasa enoncia una vertat, o una messorga, soi pas capable d'ic verificar. Mes aquò sona un chic coma lo café dau comèrci.
En mei d'aquò, se compreni lo (possible) pretzhèit dau hèit es mercés au comentari de Loís. L'article eth-medis ne hè pas nada analisa.
S. Viaule a benlèu eissubliat un detalh : lo mond en question son pas de ciutadans lambda, que de los "denonciar" seria efectivament vergonhos, car degun es responsable de las chausias de sos parents ; e reonoisso ben volontiers a Viaule que se pot pas confondre amb un comunista, ni amb un "nacionalista francés" (sio pas segur que las doas causas sian totalament equivalentas. E, emai seguesso pas comunista, trobo puslèu grès de comparar lo PCF e lo PP)). Mas dins lo cas que nos occupa, se tracha de mond lambda, mas de dignitaris qu'encara encuei son responsables dau partit neo-falangista PP. E poèm supausar que se son arribats a de postes de responsabilitat dins aqueu partit o devon benlèu a lor ascendéncia. Vist la politica crapulosa que menon encuèi, e de las cassolas de corupcion que se rebalan amb l'afar Barcenas, ieu sio absulament pas turtat de veire aquelas polias fotos...,
#1 Es vertat, que totes aqueles caps de la politica e l'economia espanhòla devon pas cap d'explicacion pels crimis de lors aujòls. Pasmens, ara vesi qual es lo camin d'intrada al poder en Espanha. E compreni perque lo PP a pas jamai volgut condemnar lo franquisme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari