Lo Festenau Vidèo Amator, organizat per Rayons d’Oc, debutarà a Sant Gervasi (Costiera de Nimes) lo divendres 31 de genier a 18h30 au Fogau Sòcioculturau Henri Gravier. De filmes de 15 minutas en lenga occitana sotatitolats o en francés testimoniaràn de la vida en Occitània. Entrada a gratis.
 
Lo dissabte d’aprèsdinnar, tre 14h, i aurà d’autrei projeccions e un diaporama presentarà lo libre d’Alain Colombaud, La Camargue vue du ciel, que son autor serà present. Un aperitiu serà ofèrt après lei projeccions. E a 20h30, l’Institut d’Estudis Occitans de Gard, partenari dau Festenau, ofrirà lo concèrt de Balaguèra, polifonias de Bearn. Tanben son partenaris dau festenau Tè Ve Òc, la MARPÒC, l’IEO 30 e la librariá “La Fontaine aux livres” de Vauverd.
 
Lo dimenge d’aprèsdinnar serà consacrat a la projeccion de dos filmes sus l’istòria de Sant Gervasi. Entrada a gratis.
 
Entrada dau concèrt: 5 èuros. A gratis per lei sòcis deis associacions organizairas, caumaires e estudiants. Reservacion au +33 (0)4 66 76 19 09 dau dimars au divendres (oras de burèu).
 
 
 
 
Lisa Gròs