La Banca Centrala Europèa (BCE) presentèt diluns passat lo nòu bilhet de dètz èuros que, coma lo de cinc, compren una representacion de la princessa mitologica Euròpa. Lo bilhet novèl de dètz intrarà en circulacion lo 23 de setembre e incorporarà de nòvas mesuras de seguretat que mai lo faràn de mal falsificar.
 
“La moneda unica a ajudat de milions d’europèus a èsser mai units, dins la nòstra diversitat, e los bilhets e las monedas son un simbòl tangible de la nòstra determinacion de sosténer l’Union Europèa”, çò diguèt Yves Mersch, lo membre del conselh executiu de la BCE.
 
Amb l’intrada de Letònia ongan, ja i a 18 païses e 334 milions de personas dins l’Union Europèa qu’emplegan l’èuro.