Actualitats
Niça: an suspendut un agent de seguretat per saludar en arabi
La justícia anullèt sa suspension mas lo prefècte l’a tornat suspendre en allegant un “comportament de radicalizacion religiosa”
En novembre passat, un agent de seguretat de l’aeropòrt de Niça foguèt suspendut a l’iniciativa del prefècte del departament dels Alps Maritims per aver saludat sos collègas en arabi, segon çò que ven de publicar Rue89.
L’agent auriá saludat sos collègas en emplegant la saludacion tradicionala “as salamu alaykum” (la patz siá amb vosautres), e amb aquò li reprochèron d’aver “tirat l’atencion desfavorablament sus sa persona”.
L’agent licenciat pausèt un recors davant lo tribunal administratiu de Niça, segon las recomandacions del Conselh contra l’Islamofobia en França (CCIF), e lo 12 de decembre passat la cort niçarda suspendèt la decision de la prefectura, en donant rason a l’agent.
Mas lo prefècte lo tornèt suspendre lo 17 de decembre per “un comportament de radicalizacion religiosa”.
Ara per ara, l’agent de seguretat a pas recebut cap d’indemnitat ni compensacion. Lo CCIF demanda “lo restabliment de sos dreches e son innocéncia”.
L’agent auriá saludat sos collègas en emplegant la saludacion tradicionala “as salamu alaykum” (la patz siá amb vosautres), e amb aquò li reprochèron d’aver “tirat l’atencion desfavorablament sus sa persona”.
L’agent licenciat pausèt un recors davant lo tribunal administratiu de Niça, segon las recomandacions del Conselh contra l’Islamofobia en França (CCIF), e lo 12 de decembre passat la cort niçarda suspendèt la decision de la prefectura, en donant rason a l’agent.
Mas lo prefècte lo tornèt suspendre lo 17 de decembre per “un comportament de radicalizacion religiosa”.
Ara per ara, l’agent de seguretat a pas recebut cap d’indemnitat ni compensacion. Lo CCIF demanda “lo restabliment de sos dreches e son innocéncia”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 mès oc! cau pas debrembar que la sola lenga oficiala en Franca demòra lo francés, e unicament lo francés. Pòdes tombar un jorn sus un romegaire que te va reprochar de l'aver saludat en occitan ("Adessiatz!") e legalament, aurà le dret de t'atacar en justicia ! urosament, la màger part deu monde saben pas aquò. Saben que, plan solide, las lengas estrangièras (l'araba, dins aqueste cas) non son pas oficialas, doncas, logicament, fòrabandidas d'ustage... Mès saben pas (e urosament per nosauts !) que la legislacion se pòt aplicar per los "patoès" locaus.
L'article 75-1 de la constitucion que reconeish l'occitan (entre-autres)... Non lo reconeish qu'a titol "patrimonial" ! a titol museal o cultural, sonque ; aquò vòl diser que l'occitan demòra pr'aquò fòrabandit coma lenga vehiculari en Franca ! cal pas desbrembar-z-oc.
A fach tanben una "quenelle"?
Avètz remarcat cossí arriba la dictatura, pauc a pauc... Non?
Comença de pudir dins aqueste país autoproclamat dels drechs de l'òme.
Alavetz dire ADIEUSSIATZ deu èsser “un comportament de radicalizacion religiosa”, amb lo factor agravant que seriá, en pus, “un comportament de radicalizacion patoisante, nationaliste et antidemocratique”.
#2 En occitan e en catalan, enquèra, que disem "adiu!" ; que i a Diu dehens, que poderé passar per ua promocion deu cristianisme... Salam Aleikum qu'ei un salut mei laïc que los nostes!
Qu'ei racisme quimicqment pur, aquò!!!
Quina relacio existeix entre parlar àrab i fer de la radicalitzacio religiosa? Si parlem català o occità fem automaticàment propaganda independentista?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari