Actualitats
Catastròfa naturala en Provença e la Comtat de Niça
Se contunha en alèrta irange a causa de la possibilitat de crescudas e d’esfrondraments de las estradas
Las pluèjas intensas que tomban sus Provença e la Comtat de Niça, dempuèi la setmana passada, an provocat de damatges sus las estradas del país e d’inondacions, qu’an quitament obligat d’evacuar de familhas en perilh. A Ieras (Tolonenc), evacuèron 3000 personas en prevision. Mas lo País Mentonasc es un dels endreches mai damatjats: i an evacuat qualques vilas e vilatges perque de ròcas riscan de se destacar dins las montanhas.
Dins la Val de Tiniá, un esboldrament de mai de 150 mètres cubics bloquèt fins a dimenge de ser l’accès a Sant Estève de Tiniá e a las estacions d’ivèrn d’Auron e de Lieuso 2000.
La vila de Niça a enebit l’accès a las plajas e a una dralha litorala. Divendres avián ja cobèrta tota la pelena de l’estadi niçard Allianz-Riviera, en prevision de l’encontre Niça-Aiacciu, que se debanèt normalament dissabte de ser e que foguèt retransmés en occitan per Ràdio Niça Pantais. Per contra, a Marselha, la partida de fotbòl OM-Valencianas foguèt reportada davant las trombas d’aiga.
E mai se la fòrça de las pluèjas es amendrida, se prevei que plòga fins al tantòst. A l’ora d’ara, tant la Comtat de Niça coma Provença son en alèrta irange per possibilitat de mai d’esfondraments sus las estradas e per la possibilitat de crescudas dels flumes. Méteo France recomanda a la populacion que s’abstenga de viatjar.
Lo ministre francés de l’interior, Manuel Valls, diguèt que se fariá “un estudi plan rapid” de totas las demandas de declaracion de l’estat de catastròfa naturala. A prepaus d’aquò, se tendrà una reünion interministeriala lo 28 de genièr que ven a París. De son costat, lo president de la region Provença, Michel Vauzelle, prepausarà “una ajuda excepcionala d’urgéncia lo 21 de febrier, a l’ocasion de l’assemblada pleniera que ven, per venir en ajuda ais abitants e a l’economia d’aqueu territòri durament tocat”.
Los jornals Nice Matin e La Provence ne balhan d’informacions en dirècte.
Dins la Val de Tiniá, un esboldrament de mai de 150 mètres cubics bloquèt fins a dimenge de ser l’accès a Sant Estève de Tiniá e a las estacions d’ivèrn d’Auron e de Lieuso 2000.
La vila de Niça a enebit l’accès a las plajas e a una dralha litorala. Divendres avián ja cobèrta tota la pelena de l’estadi niçard Allianz-Riviera, en prevision de l’encontre Niça-Aiacciu, que se debanèt normalament dissabte de ser e que foguèt retransmés en occitan per Ràdio Niça Pantais. Per contra, a Marselha, la partida de fotbòl OM-Valencianas foguèt reportada davant las trombas d’aiga.
E mai se la fòrça de las pluèjas es amendrida, se prevei que plòga fins al tantòst. A l’ora d’ara, tant la Comtat de Niça coma Provença son en alèrta irange per possibilitat de mai d’esfondraments sus las estradas e per la possibilitat de crescudas dels flumes. Méteo France recomanda a la populacion que s’abstenga de viatjar.
Lo ministre francés de l’interior, Manuel Valls, diguèt que se fariá “un estudi plan rapid” de totas las demandas de declaracion de l’estat de catastròfa naturala. A prepaus d’aquò, se tendrà una reünion interministeriala lo 28 de genièr que ven a París. De son costat, lo president de la region Provença, Michel Vauzelle, prepausarà “una ajuda excepcionala d’urgéncia lo 21 de febrier, a l’ocasion de l’assemblada pleniera que ven, per venir en ajuda ais abitants e a l’economia d’aqueu territòri durament tocat”.
Los jornals Nice Matin e La Provence ne balhan d’informacions en dirècte.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 quel article me sembla mesclar lei causas premieras e segondas. L'aumentacion de la demografia e de l'artificializacion dei zònas inondablas explican l'aumentacion dei damnatges. Donan tanben de pistas d'estudiar per lei demenir ò lei limitar.
Pasmens, franc de Ròse e de Sòrga, totei lei rius de Provença pòdon èstre a l'origina de vengudas deis aigas fòrça violentas e rapidas (Ròse e Sòrga an de montadas deis aigas mens rapidas). Me sembli ansin qu'existís pas d'equivalent provençau au mòt francés "crue". En revènge, i a uneis expressions coma "venguda deis aigas", "montada deis aigas", "aiga gròssa" que depintan un fenomèn violent.
Un bon article en francés sus l'origina vertadièra del problèma: http://www.reporterre.net/spip.php?article5287
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari