Actualitats
Alex Puente, un aranés enes Jòcs Olimpics d’Iuèrn
Er esquiaire occitan qu’ei un des sies esportius prepausadi entà representar era esquipa espanhòla en Sochi 2014
Er aranés Alex Puente qu’ei un des sies esportius der estat espanhòu prepausadi entà participar enes Jòcs Olimpics d’Iuèrn, segons çò qu’a raportat eth Conselh Generau d’Aran.
Eth president dera Federacion Espanhòla d’Espòrts d’Iuèrn (RFEDI segons era sigla en espanhòu), qu’a confirmat e un comunicat qu’er esquiaire Alex Puente ei un des esportius prepausadi entà representar era esquipa espanhòla enes Jòcs Olimpics.
Er esquiaire aranés, neishut en 1994, que participarà donques en eveniment esportiu màger d’iuèrn que se debanarà a compdar deth 7 de hereuèr que ven en Sochi, ua vila russa sus eth territòri de Krasnodar, apròp dera termièra damb Abcazia.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alex, ès eth melhor! Pòrta-mos bèra medalha entara Val!
Alex Puente : ¡Olé!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari