Aquesta abansdarrièra jornada de la primièra fasa del Campionat d’Elèit dels XIII foguèt pas favorabla a las colors catalanas. Palau pleguèt a domicili fàcia a Avinhon, non sens aver valorosament defendut lo talhon: 32-30. Los Dragonets avián mandat una esquipa plan rejovenida en Agenés que poguèt pas resistir al vam de Vilanuèva: 24-8.
Sus l’Estadi de l’Agulha, a Limós, la partida volguèt pas causir de venceire. A doas minutas del tèrme, una penalitat tolzana clavèt la marca sus una egalitat a 20 punts. Limós acabarà doncas en cap de fila aquela primièra part de la sason.
S’esperava fòrça de l’afrontament al Molin entre Lesinhan e Carcassona, mas los espectators foguèron bravament deçauputs. Los Canaris dintrèron jamai dins la partida e gaitèron jogar los locals que ne demandavan pas tant. Los jaunes e negres faguèron illusion fins a la pausa. Un supèrbe ensag al tèrme d’una ataca de tria signat per Alèxis Escamilla daissava un pichon avantatge als Verds e Blancs: 14-10. Mas, a la represa, Benausse bonificava un còp de pè contrat de Gressèque e Dugan i anèt de son numèro personal e costumièr d’anguiala insasidoira. Coma quand Benausse tusta sus una pauma de penalitat o de transformacion, los arbitres de tòca lèvan automaticament la bandiereta, aitant dire qu’a 26-10 la messa èra dita plan abans l’Ite missa est! E la còrna finala intervenguèt per metre un tèrme al camin de crotz carcassonés sus un 35-10, una marca que concretiza la volontat de l’esquipa de las Corbièras e la manca d’èime e de biais dels vesitaires. Se matematicament Vilanuèva e Carcassona se pòdon encara emparar de la quatrena plaça per la pola dels As, cal plan constatar qu’es Lesinhan que se trapa en balotatge plan favorable.
Per la darrièra jornada d’aquesta primièra fasa, son al programa d’aqueste dissabte Avinhon-Lesinhan, Vilanuèva-Limós e Tolosa-Palau. A l’estadi Brutus de Perpinhan, la partida entre Dragonets e AS Carcassona se jogarà en dobertura del primièr rescontre amical dels Dracs fàcia als London Broncos.
Los clubs de Superliga an decidit del format de la competicion per la sason 2015 amb dos grops de 12 formacions: lo primièr amb los 12 primièrs de Superliga d’ongan, lo segond amb los dos darrièrs e las esquipas del Championship e probablament Tolosa.
Dins una segonda fasa, los 8 primièrs de la pola 1 se disputaràn lo títol de Superliga. Los quatre darrièrs de la pola 1 e los quatre primièrs de la pola 2 se disputaràn las 4 plaças qualificativas per la Superliga de 2016 que ramosarà doncas solament 12 esquipas. Un pauc complicat d’explicar atal; e complicat, benlèu pas pels Dracs qu’an los mejans d’èsser dins los 12 de la competicion maja, mas plan complicat pel Tolosa Olimpic. Bon, aurem plan d’escasenças de ne tornar parlar.
E per vos preparar a las Dictadas Occitanas d’aqueste dissabte 25 de genièr, vos podètz entraïnar amb mon tèxte “L’estadi bèl” sul site d’Occitanica.
Alan Roch
Sus l’Estadi de l’Agulha, a Limós, la partida volguèt pas causir de venceire. A doas minutas del tèrme, una penalitat tolzana clavèt la marca sus una egalitat a 20 punts. Limós acabarà doncas en cap de fila aquela primièra part de la sason.
S’esperava fòrça de l’afrontament al Molin entre Lesinhan e Carcassona, mas los espectators foguèron bravament deçauputs. Los Canaris dintrèron jamai dins la partida e gaitèron jogar los locals que ne demandavan pas tant. Los jaunes e negres faguèron illusion fins a la pausa. Un supèrbe ensag al tèrme d’una ataca de tria signat per Alèxis Escamilla daissava un pichon avantatge als Verds e Blancs: 14-10. Mas, a la represa, Benausse bonificava un còp de pè contrat de Gressèque e Dugan i anèt de son numèro personal e costumièr d’anguiala insasidoira. Coma quand Benausse tusta sus una pauma de penalitat o de transformacion, los arbitres de tòca lèvan automaticament la bandiereta, aitant dire qu’a 26-10 la messa èra dita plan abans l’Ite missa est! E la còrna finala intervenguèt per metre un tèrme al camin de crotz carcassonés sus un 35-10, una marca que concretiza la volontat de l’esquipa de las Corbièras e la manca d’èime e de biais dels vesitaires. Se matematicament Vilanuèva e Carcassona se pòdon encara emparar de la quatrena plaça per la pola dels As, cal plan constatar qu’es Lesinhan que se trapa en balotatge plan favorable.
Per la darrièra jornada d’aquesta primièra fasa, son al programa d’aqueste dissabte Avinhon-Lesinhan, Vilanuèva-Limós e Tolosa-Palau. A l’estadi Brutus de Perpinhan, la partida entre Dragonets e AS Carcassona se jogarà en dobertura del primièr rescontre amical dels Dracs fàcia als London Broncos.
Los clubs de Superliga an decidit del format de la competicion per la sason 2015 amb dos grops de 12 formacions: lo primièr amb los 12 primièrs de Superliga d’ongan, lo segond amb los dos darrièrs e las esquipas del Championship e probablament Tolosa.
Dins una segonda fasa, los 8 primièrs de la pola 1 se disputaràn lo títol de Superliga. Los quatre darrièrs de la pola 1 e los quatre primièrs de la pola 2 se disputaràn las 4 plaças qualificativas per la Superliga de 2016 que ramosarà doncas solament 12 esquipas. Un pauc complicat d’explicar atal; e complicat, benlèu pas pels Dracs qu’an los mejans d’èsser dins los 12 de la competicion maja, mas plan complicat pel Tolosa Olimpic. Bon, aurem plan d’escasenças de ne tornar parlar.
E per vos preparar a las Dictadas Occitanas d’aqueste dissabte 25 de genièr, vos podètz entraïnar amb mon tèxte “L’estadi bèl” sul site d’Occitanica.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari