Un engenh explosiu artisanal espetèt ièr a 4 oras del matin davant lo centre dels impòstes d’Ais de Provença, en causant de damatges leugièrs sus la faciada del bastiment, segon çò que rapòrta La Provence.
Los desminaires e l’identitat judiciària anèron sus plaça. Menarà l’enquèsta la polícia judiciària de Marselha.
Un tag “FLNP” sus la paret de la bastissa atacada fa pensar que lo Front de Liberacion Nacionala de Provença revendica aquela accion.
En mai de l’an passat, ja se desactivèt un aparelh similar, qu’espetèt pas, a Draguinhan. Al costat i aviá qualques papierons del Front de Liberacion Nacionala de Provença (FLNP), que revendicava l’accion. Lo tèxt denonciava la “colònia deis especulaires e dei fortunats” e menaçava amb de nòvas accions. “Avèm una lenga, una cultura, un drapèu, una identitat, una tèrra, un país…”, çò disián los papièrs de l’FLNP que conclusián amb “Òsca Provença!” La partida en occitan del comunicat èra escricha dins una mescla de grafia classica e de grafia mistralenca, la rèsta èra escricha en francés.
D’autras menaças precedentas, signadas per l’FNLP, se passèron tanben en març d’arunan a Gareut e a Sant Nari.
Los desminaires e l’identitat judiciària anèron sus plaça. Menarà l’enquèsta la polícia judiciària de Marselha.
Un tag “FLNP” sus la paret de la bastissa atacada fa pensar que lo Front de Liberacion Nacionala de Provença revendica aquela accion.
En mai de l’an passat, ja se desactivèt un aparelh similar, qu’espetèt pas, a Draguinhan. Al costat i aviá qualques papierons del Front de Liberacion Nacionala de Provença (FLNP), que revendicava l’accion. Lo tèxt denonciava la “colònia deis especulaires e dei fortunats” e menaçava amb de nòvas accions. “Avèm una lenga, una cultura, un drapèu, una identitat, una tèrra, un país…”, çò disián los papièrs de l’FLNP que conclusián amb “Òsca Provença!” La partida en occitan del comunicat èra escricha dins una mescla de grafia classica e de grafia mistralenca, la rèsta èra escricha en francés.
D’autras menaças precedentas, signadas per l’FNLP, se passèron tanben en març d’arunan a Gareut e a Sant Nari.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Pas mau... que partatgi aqueste punt de vista dens las granas linhas. Mercés peu ligam.
#5 Quiò enfin los catalans , si que lutan per la loa independéncia. Mes los qui demandan a Coca Cola de har botelhons en catalan, ne'm contes pas que lutan contra l'oligarquia financiària internacionala...
Liberacion nacionala de Provença ? En daissant la rèsta d'Occitània dependenta de França e de l'oligraquia financiarista internacionala ? Pausar de bombas al moment que l'ETA pausa las armas per s'acaminar cap a un procèssus à la catalana ? ME sembla plan mai estimable un camin que consistiriá, per de pòbles coma lo nòstre, a s'inspirar sempre mai dels Catalans, dels Escosseses? dels pòlbes a mand de se desliurar de las alienacions seculàrias sens violéncia, sonque amb lo dreit, per tant que possible. Los Basques s'encaminan aital, quitament, e an plan rason.
Se volètz legir una posicion racionala sus aqueu misteriós "FLNP", podètz legir aqueste comunicat d'Iniciativa per Occitània: http://iniciativaoc.midiblogs.com/archive/2013/05/12/a-prepaus-de-l-accion-armada-de-l-flnp-a-propos-de-l-action.html
Ne podem pas cridar "òsca" aquiu, si?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari