Lo dimècres 22 de genièr, dins la Sala Na Loba de Puègnautièr, dins l’encastre de las Ivernalas de Cabardés, lo comedian Celestin e lo musicaire Claudi Sève presentavan l’espectacle jove public en paraulas, musicas e interaccion entitolat Es un signe/cicne!
Lo prepaus d’Es un signe/cicne! s’inspira plan liurament del Tironet aissable d’Andersen per nos faire seguir l’aucèl de sason en sason dins sa vida de faidit. Atal, camina fins a una selva ont l’Ors li balha una granda mission de faire, manca de se pèrdre al fins fons de la mar de sabla del desèrt e traparà las solucions a sos problèmas en tornant al país per nadar dins l’estanh dels grapauds, aprèp aver dançat Carnaval en camin!
Lo raconte del Celestin, bravament en occitan, es refortit pels cants (en occitan e en francés) e las musicas jogadas amb d’instruments coneguts (guitarra, acordeon, tambornets e tambors...) e d’autres mens espandits o de creacions personalas, a unes moments, amb de rampèls a l’ajuda dels mainatges per faire a las riga-ragas un concèrt de grapauds o per balhar tot son ronfle a la tempèsta en tustant sus cimbalas e tambors.
Aquel viatge imaginari ven atal un cant pel respècte de las diferéncias, apreciat pels pichons e pels bèls.
Se tornarà trapar lo Celestin, mas aqueste còp amb l’Emili coma musicaire, lo dijòus 20 de febrièr a l’Airòl Cultural de Ferrals per jogar L’istòria de la mirgueta que nasquèt d’una montanha. Espectacle que presentaràn tanben a Limós al començament d’abril pel Festenal del Conte e dels Contaires.
Contacte per Es un signe/cicne!: aspam.aude@..., 00 33 (0)4 68 31 26 34.
Alan Roch
Lo prepaus d’Es un signe/cicne! s’inspira plan liurament del Tironet aissable d’Andersen per nos faire seguir l’aucèl de sason en sason dins sa vida de faidit. Atal, camina fins a una selva ont l’Ors li balha una granda mission de faire, manca de se pèrdre al fins fons de la mar de sabla del desèrt e traparà las solucions a sos problèmas en tornant al país per nadar dins l’estanh dels grapauds, aprèp aver dançat Carnaval en camin!
Lo raconte del Celestin, bravament en occitan, es refortit pels cants (en occitan e en francés) e las musicas jogadas amb d’instruments coneguts (guitarra, acordeon, tambornets e tambors...) e d’autres mens espandits o de creacions personalas, a unes moments, amb de rampèls a l’ajuda dels mainatges per faire a las riga-ragas un concèrt de grapauds o per balhar tot son ronfle a la tempèsta en tustant sus cimbalas e tambors.
Aquel viatge imaginari ven atal un cant pel respècte de las diferéncias, apreciat pels pichons e pels bèls.
Se tornarà trapar lo Celestin, mas aqueste còp amb l’Emili coma musicaire, lo dijòus 20 de febrièr a l’Airòl Cultural de Ferrals per jogar L’istòria de la mirgueta que nasquèt d’una montanha. Espectacle que presentaràn tanben a Limós al començament d’abril pel Festenal del Conte e dels Contaires.
Contacte per Es un signe/cicne!: aspam.aude@..., 00 33 (0)4 68 31 26 34.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari