L’engenhaire occitan Francis Collomp es tornat al país. Collomp, ostatge en Nigèria dempuèi lo 19 de decembre de 2012, es tornat dins son vilatge, Sant Julian de Verdon (Preaups de Dinha), e i es estat recebut amb jòia. Sa familha, sos amics, los vesins e los elegits de la vila e d’endacòm mai an participat aquesta dimenjada a una recepcion. Sant Julian de Verdon a fach la fèsta per lo rescontrar.
 
Collomp foguèt raubat per un trentenat d’òmes armats al nòrd de Nigèria, ont el trabalhava sus un projècte de bòrda eoliana. Retengut 11 meses dins una cellula, Collomp profechèt d’una operacion de l’armada nigeriana per s’escapar lo 16 de novembre passat. Tres meses puèi, dins sos 63 ans, Collomp es arribat al país en bona forma.