A partir del 1r de febrièr, totes los comptes bancaris se devon identificar amb lo còde IBAN. Aquel còde identifica quin compte bancari que siá al nivèl internacional e simplifica las operacions amb las bancas dels estats de l’Union Europèa, Islàndia, Liechtenstein, Mónegue, Norvègia e Soïssa.
 
Lo nòu còde afècta los viraments e los prelevaments. S’avètz pas encara lo còde IBAN de vòstre numèro de compte, lo vos cal demandar a la vòstra banca.
 
Los regulators bancaris dison que i aurà un marge de sièis meses de mai per far los cambiaments, perque se vòlon pas trobar en la meteissa situacion d'aicí a mièg an. Ça que la, l’estat francés avertís qu’a partir del 1r d’agost los pagaments non confòrmes amb la nòva nòrma seràn refusats.
 
Per las operacions internacionalas, lo còde IBAN lo cal informar amb son còde BIC o Swift, que servís per identificar la banca.
 
 
Estat francés
 
Dins l’estat francés, los còdes IBAN començan amb las letras FR seguidas de doas chifras del còde de verificacion, après i a las 5 chifras del còde de la banca, lo numèro de la sucursala, 11 chifras del numèro de compte e 2 chifras per la clau RIB. Lo còde BIC pòt èsser compausat de 8 o 11 chifras: las 4 primièras identifican la banca, las doas d’après identifican l’estat e doas de mai ne rapòrtan la vila. De còps i a de chifras que rapòrtan una sucursala especifica.
   
 
Estat italian
 
Dins l’estat italian, los còdes IBAN començan amb las letras IT seguidas de doas chifras del còde de verificacion e una chifra alfanumerica de contraròtle, après i a las 5 chifras del còde de la banca, 5 chifras pel numèro de la sucursala, 12 chifras del numèro de compte. Lo còde BIC pòt èsser compausat  de 8 o 11 chifras: las 4 primièras identifican la banca, las doas d’après identifican l’estat e doas de mai ne rapòrtan la vila. De còps i a de chifras que rapòrtan una sucursala especifica.
   
 
Estat espanhòl
 
Dins l’estat espanhòl, los còdes IBAN començan amb las letras ES seguidas de doas chifras del còde de verificacion, après i a las 4 chifras del còde de la banca, 4 chifras pel numèro de la sucursala, doas chifras del còde de verificacion e 10 chifras del numèro de compte. Lo còde BIC pòt èsser compausat  de 8 o 11 chifras: las 4 primièras identifican la banca, las doas d’après identifican l’estat e doas de mai ne rapòrtan la vila. De còps i a de chifras que rapòrtan una sucursala especifica.
   
 
Mónegue
 
En Mónegue, los còdes IBAN començan amb las letras MC seguidas de doas chifras del còde de verificacion, après i a las 5 chifras del còde de la banca, lo numèro de la sucursala, 11 chifras del numèro de compte e doas chifras per la clau RIB. Lo còde BIC pòt èsser compausat de 8 o 11 chifras: las 4 primièras identifican la banca, las doas d’après identifican l’estat e doas de mai ne rapòrtan la vila. De còps i a de chifras que rapòrtan una sucursala especifica.