Actualitats
Lo govèrn ucraïnés a demissionat
Lo Parlament aboliguèt ièr a miègjorn las leis antimanifestacion
Lo president d’Ucraïna, Viktor Ianukovych, acceptèt ièr la demission del primièr ministre, Mykola Azarov, e de la rèsta del gabinet. Amb sa demission, Azarov vòl “arribar a un engatjament politic que permeta de resòlver pacificament lo conflicte”, segon çò qu’explica dins un comunicat publicat sul sit web del govèrn.
L’èx-primièr ministre a justificat l’accion governamentala d’aquestes jorns: “pendent la confrontacion, lo govèrn a fach tot çò qu’a pogut per trobar una solucion pacifica al conflicte e empedir lo versament de sang, l’ondada de violéncia e la violacion dels dreches civils”. Reconeis que la situacion que viu Ucraïna es una “menaça pel desvolopament social e economic” e “per tota la societat”, e qu’aquò es çò que li a fach prene de mesuras criticas, coma la de presentar sa demission. “Uèi lo fach mai important es lo de preservar l’unitat e l’integritat d’Ucraïna. Aquò es fòrça mai important que l’agenda o l’ambicion personala. Es per aquò qu’ai pres aquela decision”, çò conclutz Azarov.
Parallèlament, lo Parlament ucraïnés aprovèt la derogacion a las leis que limitavan, dempuèi lo 16 de genièr, lo drech de manifestacion e las libertats civilas; lo govèrn aviá fach aquelas limitacions en cercar d’arturar las protèstas que se debanan al país dempuèi qualques meses. La derogacion d’aquelas leis èra una de las exigéncias dels opausants. Una autra causa, qu’encara rèsta de tractar, es una amnestia amb la quala se liberariá mai d’una persona detenguda pendent las protèstas.
L’abolicion de las leis antimanifestacion es estada aprovada per 361 deputats sus 412. Entre d’autras, an anullat aquelas leis qu’impausavan de penas de preson per manifestar de faiçon illegala, que punissián la circulacion en cortegis de mai de cinc veïculs e que permetián de jutjaments en abséncia dels acusats.
I a pas res de clar sul futur del conflicte. L’oposicion exigissiá la dissolucion del govèrn, mas ara demanda que demissione lo president Ianukovych e que se convòque d’eleccions. Las riòtas s’estendon delà la capitala, Kyiiv, e los manifestants an ocupat de bastissas municipalas d’un desenat de vilas; non solament dins l’oèst del país, mai europeïsta, mas tanben dins la zòna orientala, de majoritat russofòna e ont lo president Ianukovych a agut mai de sostens.
Lo conflicte comencèt en novembre, quand lo govèrn decidiguèt de signar pas l’acòrdi d’associacion amb l’Union Europèa e quand, per contra, se sarrèt mai de Russia.
L’èx-primièr ministre a justificat l’accion governamentala d’aquestes jorns: “pendent la confrontacion, lo govèrn a fach tot çò qu’a pogut per trobar una solucion pacifica al conflicte e empedir lo versament de sang, l’ondada de violéncia e la violacion dels dreches civils”. Reconeis que la situacion que viu Ucraïna es una “menaça pel desvolopament social e economic” e “per tota la societat”, e qu’aquò es çò que li a fach prene de mesuras criticas, coma la de presentar sa demission. “Uèi lo fach mai important es lo de preservar l’unitat e l’integritat d’Ucraïna. Aquò es fòrça mai important que l’agenda o l’ambicion personala. Es per aquò qu’ai pres aquela decision”, çò conclutz Azarov.
Parallèlament, lo Parlament ucraïnés aprovèt la derogacion a las leis que limitavan, dempuèi lo 16 de genièr, lo drech de manifestacion e las libertats civilas; lo govèrn aviá fach aquelas limitacions en cercar d’arturar las protèstas que se debanan al país dempuèi qualques meses. La derogacion d’aquelas leis èra una de las exigéncias dels opausants. Una autra causa, qu’encara rèsta de tractar, es una amnestia amb la quala se liberariá mai d’una persona detenguda pendent las protèstas.
L’abolicion de las leis antimanifestacion es estada aprovada per 361 deputats sus 412. Entre d’autras, an anullat aquelas leis qu’impausavan de penas de preson per manifestar de faiçon illegala, que punissián la circulacion en cortegis de mai de cinc veïculs e que permetián de jutjaments en abséncia dels acusats.
I a pas res de clar sul futur del conflicte. L’oposicion exigissiá la dissolucion del govèrn, mas ara demanda que demissione lo president Ianukovych e que se convòque d’eleccions. Las riòtas s’estendon delà la capitala, Kyiiv, e los manifestants an ocupat de bastissas municipalas d’un desenat de vilas; non solament dins l’oèst del país, mai europeïsta, mas tanben dins la zòna orientala, de majoritat russofòna e ont lo president Ianukovych a agut mai de sostens.
Lo conflicte comencèt en novembre, quand lo govèrn decidiguèt de signar pas l’acòrdi d’associacion amb l’Union Europèa e quand, per contra, se sarrèt mai de Russia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'europeïsme es portaire d'esperança en Ucraïna. Me demandi se se rendon compte qu'Euròpa es plan mal fotuda. Los islandeses o an comprés.
Que los govèrns poirits tomben es una excellenta causa. Lo pòble ucraïnés, pòble pauc conegut, pòble susprenent, nos dona una brava leiçon de liberacion nacionala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari