La coalicion basquista Amaiur a pausat de questions al govèrn espanhòl a prepaus de las declaracions dels ministres sus l’intercession de Santa Terèsa de Jèsus e de Nòstra Dòna del Rocío als problèmas del país
Santa Teresa segon Rubens | Museum Boijmans Van Beuningen
Lo 23 de genièr passat lo ministre de l’interior espanhòl, Jorge Fernández Díaz, se remetèt a Santa Terèsa de Jèsus: “es segur qu’en aquestes moments ela es una importanta intercessora per Espanha, en aquestes tempses tanben advèrses per la nòstra pàtria”. De son costat, la ministra del trabalh, Fátima Báñez, s’èra ja remesa fa un an a Nòstra Dòna del Rocío per que l’ajudèsse a far davalar la taxa de caumatge.
En responsa a aquelas solucions misticas del govèrn espanhòl, e tanben a prepaus del fach que se concedisca la Granda Crotz de l’Òrdre del Meriti Civil a Nòstra Dòna del Pilar, la coalicion basquista al Congrès dels Deputats pausèt diluns passat una seguida de questions al govèrn d’Espanha.
Las questions qu’Amaiur a pausat al govèrn espanhòl son aquestas:
1. Cossí lo ministre de l’interior considèra que Santa Terèsa de Jèsus intercedís per Espanha?
2. Qual es lo ròtle de Nòstra Dòna del Rocío en la sortida de la crisi?
3. A remarcat de melhoraments, lo Ministèri de l’Interior, après la distinciona donada a Nòstra Dòna del Pilar? Quals?
4. Considèra, lo govèrn, que i a mai d’intercessions divinas e subrenaturalas en la situacion actuala de l’estat? De qual?
5. Considèra, lo govèrn, que se respècta la non-confessionalitat de l’estat?
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel ministre podriai demanda a la Santa ça qu'es arribat a los efans enlevats lo jorn que nascuts a de familias republicanas e donat amb la complicitad de Franco e de la gleise catolica per estre donats a de familias dau bon costat...
En fi, posats a del·lirar i solicitar miracles prefereixo a Jesús. Prego que torni amb el " fuet", per expulsar dels temples a tots aquets hipòcrites comerciants d´esclaus i la política. Si més no, farà una mica de justícia, atès que ara a Espanya, el fiscal, es dedica a perseguir jutges honests i defensar privilegiats de renom.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Aquel ministre podriai demanda a la Santa ça qu'es arribat a los efans enlevats lo jorn que nascuts a de familias republicanas e donat amb la complicitad de Franco e de la gleise catolica per estre donats a de familias dau bon costat...
En fi, posats a del·lirar i solicitar miracles prefereixo a Jesús. Prego que torni amb el " fuet", per expulsar dels temples a tots aquets hipòcrites comerciants d´esclaus i la política. Si més no, farà una mica de justícia, atès que ara a Espanya, el fiscal, es dedica a perseguir jutges honests i defensar privilegiats de renom.
Lo Mitterrand comptava sus l'Elisabeth Teissier. Sèm governats per de calucs e de profitaires.
Enorme!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari