Actualitats
Deman qu’aurà lòc era Marcha Beret, era corsa d’esquí de hons mès importanta d’Occitània
Era grana hèsta ivernau aranesa d’esquí de hons enguan ei venguda encara mès internacionau e a agranit es sues activitats
Que començarà deman ena Val d’Aran era 35u edicion dera Marcha Beret, era prestigiosa corsa d’esquí de hons d’estil classic que combine ara perfeccion eth naut nivèu esportiu damb es amators. Coma cada an, era marcha qu’amassarà uns 1000 participants. Ath delà des familhes e des grops d’amics que participen de manèra populara, era Marcha Beret tanben atrè a participants d’elèit, vengudi enguan de païsi coma Finlàndia, Norvègia, Estònia, Russia, Itàlia e França. Cau soslinhar qu’era corsa ei en laguens deth calendèr Euroloppet de marches populares.
Era corsa que prepause 3 distàncies —10 quilomètres, 21 quilomètres e 42 quilomètres— que passen peth Plan de Beret a 1850 mètres de nautada.
Era grana hèsta ivernau d’esquí de hons enguan ven cargada de nauetats. Agèr se debanèc eth 1r Criterium Vielha en caplòc aranés, damb ua demostracion de joeni esquiaires de hons, e de corredors d’elèit que competiren contra diferenti veïculs. E aué s’organize per prumèr viatge eth Trofèu Salomon Skating en Beret.
Era corsa qu’ei promoiguda peth Conselh Generau d’Aran e pera estacion d’esquí de Vaquèira-Beret. Que compde, ath delà, damb era collaboracion der Ajuntament deth Naut Aran, dera Associacion des Volentaris dera Val d’Aran e d’auti organismes e entitats mès dera Reiau Federacion Espanhòla des Espòrts d’Iuèrn e dera Federacion Catalana des Espòrts d’Iuèrn.
FM
Era corsa que prepause 3 distàncies —10 quilomètres, 21 quilomètres e 42 quilomètres— que passen peth Plan de Beret a 1850 mètres de nautada.
Era grana hèsta ivernau d’esquí de hons enguan ven cargada de nauetats. Agèr se debanèc eth 1r Criterium Vielha en caplòc aranés, damb ua demostracion de joeni esquiaires de hons, e de corredors d’elèit que competiren contra diferenti veïculs. E aué s’organize per prumèr viatge eth Trofèu Salomon Skating en Beret.
Era corsa qu’ei promoiguda peth Conselh Generau d’Aran e pera estacion d’esquí de Vaquèira-Beret. Que compde, ath delà, damb era collaboracion der Ajuntament deth Naut Aran, dera Associacion des Volentaris dera Val d’Aran e d’auti organismes e entitats mès dera Reiau Federacion Espanhòla des Espòrts d’Iuèrn e dera Federacion Catalana des Espòrts d’Iuèrn.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari