Lo tribunal correccional de Marselha condemnèt ièr a un an de preson lo jove marselhés qu’a acipat lo país pendent los darrièrs jorns per aver torturat un gat. “Los animals son pas d’objèctes vulgars” mas “d’èssers vivents dotats de sensibilitat”, çò remarquèt lo procuraire.
Lo jove jutjat deplorèt son gèst. Al moment que se mostrava los vidèos de sas accions crusèlas contra lo gat, l’acusat agachava lo sòl amb un aire de vergonha davant la tèsta de reprobacion d’un centenat de personas qu’emplissián la sala. Defòra, qualques 200 personas, acompanhadas de cans e de gats, reclamavan “justícia per Oscar”, lo gat que lo jove marselhés torturèt e enregistrèt en vidèo per difondre son sadisme.
Lo jove, que se fa nomenar Farid de la Morlette, publiquèt dos vidèos sus Facebook ont se vesiá que projectava amb violéncia un gat contra una paret. La polícia lo detenguèt dissabte passat en seguida de las denóncias de la Fondacion Brigitte Bardot e d’autras associacions animalistas qu’an quitament amassat 120 000 signaturas en demandant que siá punit amb severitat.
Segon l’article 521-1 del còde penal francés, l’“abús grèu o la cruseltat amb los animals” se punís amb un maxim de dos ans de preson, una multa de 30 000 èuros e l’enebicion d’aver cap d’animal domètge.
Segon d’informacions de La Provence, Oscar, lo felin martirizat, es encara viu mercés a un passant que lo salvèt. S’agiriá del gat d’una familha del 15n arredondiment de la Ciutat Focèa que ne denoncièt la desaparicion fa doas setmanas.
Lo jove jutjat deplorèt son gèst. Al moment que se mostrava los vidèos de sas accions crusèlas contra lo gat, l’acusat agachava lo sòl amb un aire de vergonha davant la tèsta de reprobacion d’un centenat de personas qu’emplissián la sala. Defòra, qualques 200 personas, acompanhadas de cans e de gats, reclamavan “justícia per Oscar”, lo gat que lo jove marselhés torturèt e enregistrèt en vidèo per difondre son sadisme.
Lo jove, que se fa nomenar Farid de la Morlette, publiquèt dos vidèos sus Facebook ont se vesiá que projectava amb violéncia un gat contra una paret. La polícia lo detenguèt dissabte passat en seguida de las denóncias de la Fondacion Brigitte Bardot e d’autras associacions animalistas qu’an quitament amassat 120 000 signaturas en demandant que siá punit amb severitat.
Segon l’article 521-1 del còde penal francés, l’“abús grèu o la cruseltat amb los animals” se punís amb un maxim de dos ans de preson, una multa de 30 000 èuros e l’enebicion d’aver cap d’animal domètge.
Segon d’informacions de La Provence, Oscar, lo felin martirizat, es encara viu mercés a un passant que lo salvèt. S’agiriá del gat d’una familha del 15n arredondiment de la Ciutat Focèa que ne denoncièt la desaparicion fa doas setmanas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Auriái tendéncia a pensar coma tu, pr'amor que la preson te fa sovent sortir pièger que n'i es dintrat. Mais lo tipe n'èra pas a sa primièra condamnacion. Amai, son adreiça es estat difusida, doncas es possible que lo jutje li balhèt de ferma per sa proteccion taben.
Per OSCAR, manifestacion estatica DISSABTE 8 de FEBRIÈR, a TOLOSA, Plaça del Capitòli, 14 oras.
https://www.facebook.com/events/579165702158125/?ref_newsfeed_story_type=regular&source=1
Lo qui n'a pas avut un gat au mensh un còp dens la soa vita ne pòt pas compréner çò que hè de véder un conas autau torturar un gatòt...
#8 Camaradas jornaletistas, que'vs trobatz sus un sit on la question deus animaus hè mei parlar que las darrèras aventuras de Diedonné M'Bala M'Bala.
Sèi pas çò qui'n pensat mes tà jo que'n soi fìèr!
#7 Pensi pas qu'anarà en preson coma que vague... En generau, per una durada d'una annada e estent la rason de sa condamnacion aurà probable un amenatjament de pèna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari