Savem que i a de festenaus vidèo/cinèma en francés a la Costièra de Nimes, mai n’i aviá pas d’occitan. Ara es fach amb lo de Sant Gervasi que se debanèt dau 31 de genièr au 2 de febrièr. L’an 2014 es una capitada per la còla dau Festenau vidèo amator de Sant Gervasi. Savem que fau tres ans per capitar de faire venir un public. Lo quatren festenau capitèt.
 
I aguèt una bèla diversitat au nivèu dau programa amb de corts metratges, de diaporamas venguts d’asuèlhs diferents d’Occitania: Agenés, Gasconha, Roergue (films d’Amic Bedel), Lengadòc, Provença, Camarga… Diversitat tanben au nivèu dau public, mai nombrós aquest’an.
 
Fuguèt doncas un rescontre au nivèu dei parlats, entre de videastas afogats de la lenga d’Òc (associacions o individuaus) e lo public.
 
Raions d’Òc, organizator dau Festenau, ajudat per Tè Vé Òc metèt en plaça lei tres après dinnar de projeccion. Lei partenaris: IEO30 (qu’ofriguèt lo Balèti amb Cabr’e Can lo dissabtce de sèr), MARPOC (amb lei libres occitans), TV Sud (difusion de l’emission Lenga d’Òc producha per Tè Vé Òc),  TV Mistral que realizèt un reportatge sus lo Festenau 2014), la librariá “ La fontaine aux livres”  de Vauvert que prepausèt de libres en relacion amb lo tèma dau Festenau: Occitania, participèron en aquela capitada.
 
De debats après cada projeccion fuguèron l’escasença d’escambis fruchós que contunhèron alentorn de l’aperitiu dau dissabte de sèr.
 
Podrètz aver un resson de tot aquò sus Radio Lenga d’òc e sus Lenga d’òc (TV Sud).
 
Un bilanç positiu per la version 2014 d’un Festenau que demanda pas que de s’alargar l’an que ven.
 
 
 
 
La còla dau Festenau
 
 
 
 
 

fffff		fffff
	Lista de filmes dau festenau:   − Camagri de Fèlip Reig 15’ reportage − Classe unique de l’école de Franquevaux. Réalisation Thierry BOURDY et les élèves de l’école de Franquevaux 15’ 30’’ reportage − Dites-le avec des fleurs de Georges Culpin et l’association Gard Media 22’ ficcion − Estivada 2013. Miquèu Gravier 12’ reportage − Fête du cochon 2012 ( Saint Pons de Thomières ) réalisation Bernard VIEILLESCAZE  3’39’’ − Finale des  Taurs aux Sainte Maries. Marc Carteyrade 12’reportage − Henri de Joël Sentenac 8’30 ficcion − L’Ostalada. Amic Bedel 13’ documentari − La bòria ( Lo bastit ) Amic Bedel 12’ 20 documentari − La Camargue vue du ciel d’Alain Colombaud 20’ diaporama sus son libre − La velhada. Amic Bedel 8’20 documentari − Le Marquis m’a dit,  de Roger Pierre Auguste  15’ documentari − Lei Majofas.( Lise Gros Conte) Claude Queyrel 12’ documentari − Lou Dalfin de Fèlip Reig 15’ reportage − Lou Roumavage de la Nacioun Gardiano à Lourdes 2012. 1h documentari − Moussu T. Fèlip Reig 15’ reportage − Nimes a Pè. Claude Queyrel 12’ reportage − Opération Salmis.  Joël Sentenac 4’ ficcion − Pélerinage ( Les Saintes Maries  24 mai ) d’Olivier Calerriza et Michel Falguiéres 4’30 diaporama documentari − Sacrifice cathare de Joan Pau Capdecoma 15’ ficcion − Vinha e Occitan. Lo Label Òc amb Lisa Gròs e Miqueu Gravier 15’ documentari − Visite de Mgr Wattebled à la Croix de Saint Gervasy 45’ reportage