Actualitats
L’ÒNU exigís que lo Vatican retire totes los clergues suspèctes o implicats dins de cases d’abuses sus menors
Un rapòrt del Comitat dels Dreches de l’Enfant planh que la Glèisa Catolica aja pas reconegut “la portada dels crimes comeses”’e qu’aja favorizat l’“impunitat dels perpetrators”
Las Nacions Unidas (ÒNU) an exigit que lo Vatican retire immediatament totes los clergues suspèctes o implicats en de cases d’abuses sus menors e que los pòrte davant la justícia. Dins un rapòrt del Comitat dels Dreches de l’Enfant, l’ÒNU soslinha que la Santa Sès “a pas reconegut los crimes comeses, [qu’]a pas pres de mesuras per afrontar los cases d’abuses sus menors e protegir los enfants, e [qu’]a adoptat de politicas e de practicas qu’an menat a contunhar los abuses e l’impunitat de lors perpetrators”. Lo comitat demanda al Vatican d’ofrir tota l’informacion qu’aja sus aqueles crimes, e planh que los cases d’abuses “son gaireben pas jamai notificats a las autoritats”. Dins son rapòrt, l’ÒNU critica que lo Vatican “a mes la reputacion de la Glèisa e la proteccion dels perpetrators davant los interèsses dels enfants”.
Lo rapòrt de l’ÒNU demanda que la comission que lo Papa Francés a creada per metre en examen los abuses collabòre amb la societat civila e que se centre tanben “sus la conducha de l’ierarquia catolica” e sus coma se tractèt los cases. Segon lo Comitat dels Dreches de l’Enfant, lo “còde de silenci” dins la Glèisa ajudèt per que los cases d’abuses s’amaguèsson o se denoncièsson pas.
Los expèrts de l’ÒNU planhon dins lor enquèsta que i a agut de clergues implicats en de cases d’abuses “dins lo Mond entièr” e que i a de desenats de milièrs de victimas. Dins aquel sens, critican que la Glèisa Catolica favorize la mobilitat dels pedofiles, e alèrtan que, segon lors recèrcas, “d’enfants de fòrça païses son davant un naut risc de patir d’abuses sexuals, perque de dotzenats de perpetrators son encara en contacte amb d’enfants”.
Lo tèxt del comitat es arribat après que, lo mes passat, una delegacion del Vatican compareguèsse per parlar dels cases d’abuses sus menors dins la Glèisa Catolica.
Lo rapòrt de l’ÒNU demanda que la comission que lo Papa Francés a creada per metre en examen los abuses collabòre amb la societat civila e que se centre tanben “sus la conducha de l’ierarquia catolica” e sus coma se tractèt los cases. Segon lo Comitat dels Dreches de l’Enfant, lo “còde de silenci” dins la Glèisa ajudèt per que los cases d’abuses s’amaguèsson o se denoncièsson pas.
Los expèrts de l’ÒNU planhon dins lor enquèsta que i a agut de clergues implicats en de cases d’abuses “dins lo Mond entièr” e que i a de desenats de milièrs de victimas. Dins aquel sens, critican que la Glèisa Catolica favorize la mobilitat dels pedofiles, e alèrtan que, segon lors recèrcas, “d’enfants de fòrça païses son davant un naut risc de patir d’abuses sexuals, perque de dotzenats de perpetrators son encara en contacte amb d’enfants”.
Lo tèxt del comitat es arribat après que, lo mes passat, una delegacion del Vatican compareguèsse per parlar dels cases d’abuses sus menors dins la Glèisa Catolica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben, se la glèisa o fa, ne demorarà pas gaire de clergues! Ja que ne'n manca...
Un ahar a seguir!
En Alenmanha i a quauquas annadas, 300 000 personas que's hasón desbapisar entà protestar contra la pedofilia e l'omertà qui l'endòsta dens la glèisa.
Hà's desbatisar n'ei pas complicat.
És una molt bona notícia. Aquest és el camí que ha de seguir l'Onu! Tenir prou força per corregir. lluitar i vèncer les injustícies i els horrors de tota mena al món. Una gran iniciativa! Cal lluitar amb totes les forces contra els aspectes destructius de les religions del món: la musulmana té moltíssim a ser corregit i, es clar, la religió catòlica, i les religions hinduistes i el seu sistema de castes. Hi ha motius per a l'esperança!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari