Actualitats
Joan de Nadau en Meddia Aranés
Eth cantaire luishonés que presentèc eth darrèr disc de Nadau ena ràdio aranesa
Miquèu Maffrand, mès conegut coma Joan de Nadau, que presentèc dissabte passat eth sòn darrèr disc, L’Encantada, en Meddia Aranés, eth programa de ràdio pionèr en lengua occitana que s’emet pes ones de Catalonha Informacion en Aran.
En aquera emission, Joan de Nadau que presentèc es cançons der album: quinze títols interpretadi damb un ambient fòrça mès intimista, dont i a tres pèces nòves a descobrir: L’adagio des abrutis, Lenga d’òc e Ofèlia. Ena convèrsa tenguda damb Lissa Escala, eth musician que parle des istòries viscudes e des problèmes deth país qu’an inspirat es cançons.
Meddia Aranés qu’ei un programa de ràdio d’ua ora jornadèra, de 12h a 13h, que s’emet es 365 dies der an peth quadrant de Catalonha Informacion. Neishec per un mandat deth Parlament de Catalonha que demanaue ara Corporacion Catalana de Ràdio e Television (CCRTV) d’eméter ena lengua pròpria dera Val d’Aran. Era emission que celebrarà eth sòn 26u anniversari en març que ven, e encara i a era madeisha còlha de professionaus que cada dia e pòrte era nòsta lengua a toti es auditors dera Val d’Aran e d’Internet: s’agís de Lissa Escala, Jòse Badia e Jòse Antonio Bruna.
FM
En aquera emission, Joan de Nadau que presentèc es cançons der album: quinze títols interpretadi damb un ambient fòrça mès intimista, dont i a tres pèces nòves a descobrir: L’adagio des abrutis, Lenga d’òc e Ofèlia. Ena convèrsa tenguda damb Lissa Escala, eth musician que parle des istòries viscudes e des problèmes deth país qu’an inspirat es cançons.
Meddia Aranés qu’ei un programa de ràdio d’ua ora jornadèra, de 12h a 13h, que s’emet es 365 dies der an peth quadrant de Catalonha Informacion. Neishec per un mandat deth Parlament de Catalonha que demanaue ara Corporacion Catalana de Ràdio e Television (CCRTV) d’eméter ena lengua pròpria dera Val d’Aran. Era emission que celebrarà eth sòn 26u anniversari en març que ven, e encara i a era madeisha còlha de professionaus que cada dia e pòrte era nòsta lengua a toti es auditors dera Val d’Aran e d’Internet: s’agís de Lissa Escala, Jòse Badia e Jòse Antonio Bruna.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari