Actualitats
Un vidèo de Human Rights Watch mòstra la portada de la violéncia omofòba en Russia
L’organizacion internacionala per la defensa dels dreches umans, Human Rights Watch, ven de lançar un vidèo que mòstra en detalh la portada de la violéncia omofòba que patís la comunautat gai en Russia. Las agressions de grops ultradrechistas contra los immigrants e contra los omosexuals se multiplican amb impunitat e amb de resultats tragics.
Aquela ondada de violéncia contra los omosexuals es a créisser dempuèi que l’estat rus a enebit la “propaganda omosexuala”, que punís quitament dos jovents o doas joventas que se tenon las mans per carrièras. Las declaracions omofòbas de qualques personatges publics encoratjan aquelas violéncias.
Pasmens, l’Africa Subsahariana es encara lo paradís de l’intolerància pels omosexuals, ont son agredits, torturats e quitament assassinats amb la connivéncia dels govèrns que considèran que cal enseguir los gais.
Aquela ondada de violéncia contra los omosexuals es a créisser dempuèi que l’estat rus a enebit la “propaganda omosexuala”, que punís quitament dos jovents o doas joventas que se tenon las mans per carrièras. Las declaracions omofòbas de qualques personatges publics encoratjan aquelas violéncias.
Pasmens, l’Africa Subsahariana es encara lo paradís de l’intolerància pels omosexuals, ont son agredits, torturats e quitament assassinats amb la connivéncia dels govèrns que considèran que cal enseguir los gais.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una lectura un pauc tròp velòcia d'aquel fait poriá daissar pensar que la minoritat omosexuala es en dangièr en Russia. Vòli dire, ela sonque. Mas s'aquò's possible de trucar a dètz o vint sens cap problèma davant la "justícia" de l'endreit, subre una persona isolada per çò qu'aparten a una minoritat, deman, tanplan poiràn secutar josieus, estrangièrs, toristas, vièlhs, femnas, dròllas, e mai dròlles, per quina rason que siá.
Aquò's pas mai un país, mas un vertadièr bordilhèr cripto-faiscista. Curiosament, los clòscavoids que trucan subre las pauras victimas semblan estiticament los neonazis que florisson un pauc partot en Occident, fins als estats units d'America.. N'avèm pas encara acabat amb las trèvas de l'istòria recenta. Un jorn benlèu, dominaràn un estat, o mai d'un. Que vendrem, alavètz ? Se sotmetre a-n-aquò o risistir, armats, soleta causida possibla ?
Quins salòps!
Lo videò qu'ei òrre... Que'u desconselhi a las personas hèra sensiblas aus imatges violents.
L'ambiguitat qu'ei que hèn patir sevicis sexuaus a las loas victimas, com si prenèn la violéncia e l'òdi com un pretèxte entà har cara aus lors pròpis desirs e fantasmes...
Beargh ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari