Ua iniciativa de las interessantas se hè entre les licèus de l’Isla de Baish, Sent Gaudenç e Aran a l’entorn de la cançon occitana. L’idèa ei simpla: s’agish de hèr cantar joens en occitan. Au jorn d’auèi, i a quasi pas nat joen, de mens de 21 ans, que hè concèrts en lenga nòsta. Un còp aver citat la cantaira aranesa Alidé Sans, qu’a 20 ans, ei de mau trobar d’autes.
L’avénguer de l’occitan se pòt concéber que dab l’adesion de la joenesa. Alidé Sans, que coneish ara un cèrt succès, vòu hèr un prumèr album en seteme qu’arriba. L’enregistrament se harà a Barcelona dins un estudi professionau. I participaràn tanbens cinc liceans d’occitan de l’Isla de Baish, que musiquejan tanbens. S’agish de Sofia Montelh (piano), Antoine Finòs (baisha), Edith Seguièr (percussions), Lisa Fraresso (flaüta traversièra e votz) e Anaïs Gaux (votz), que s’uniràn dab Alidé Sans sus ua canta. Poiré estar ua represa de Bob Marley que se ditz Tres Auserons.
Entà aqueste projècte ambiciós, cau mejans e associacions, com País de Catinon de Sent Lis o la region Miegjorn Pirenèus l’an comprés. Atau l’associacion sentlisiana balharà 1000 èuros e la region acordarà 6000 èuros entà sosténguer le projècte de creacion musicala occitana, entà e per la joenesa. Comprenguen l’interès de hèr cantar joens en occitan sus musicas modèrnas.
Au delà, s’agish d’aviar aquestes liceans a hèr concèrts en occitan. Atau, le grop d’adolescents lisleses, Leviathan (E. Seguièr e A. Finòs), poirén interpretar produccions en lenga d’òc dins concèrts. Alidé e los cinc gojats e gojatas haràn un concèrt en la Val d’Aran, le 16 de mai, davant un centenat de joens deus licèus de l’Isla de Baish, Sent Gaudenç e Vielha. La cantaira aranesa a comprés de plan l’interès d’associar d’autes gojats, parièr se son de l’aute costat de la termièra, entà hèr creacions actualas.
Per la musica, le prètzhèit ei tanben de hèr escambis entre les gojats d’Aran e de la Gasconha de l’estat francés. Un cinquantenat de liceans comengeses e de Savés seràn aculhits peu licèu d’Aran, entà passar ua setmaneta en occitan, a la prima.
Nicolau Rei Bèthvéder
L’avénguer de l’occitan se pòt concéber que dab l’adesion de la joenesa. Alidé Sans, que coneish ara un cèrt succès, vòu hèr un prumèr album en seteme qu’arriba. L’enregistrament se harà a Barcelona dins un estudi professionau. I participaràn tanbens cinc liceans d’occitan de l’Isla de Baish, que musiquejan tanbens. S’agish de Sofia Montelh (piano), Antoine Finòs (baisha), Edith Seguièr (percussions), Lisa Fraresso (flaüta traversièra e votz) e Anaïs Gaux (votz), que s’uniràn dab Alidé Sans sus ua canta. Poiré estar ua represa de Bob Marley que se ditz Tres Auserons.
Entà aqueste projècte ambiciós, cau mejans e associacions, com País de Catinon de Sent Lis o la region Miegjorn Pirenèus l’an comprés. Atau l’associacion sentlisiana balharà 1000 èuros e la region acordarà 6000 èuros entà sosténguer le projècte de creacion musicala occitana, entà e per la joenesa. Comprenguen l’interès de hèr cantar joens en occitan sus musicas modèrnas.
Au delà, s’agish d’aviar aquestes liceans a hèr concèrts en occitan. Atau, le grop d’adolescents lisleses, Leviathan (E. Seguièr e A. Finòs), poirén interpretar produccions en lenga d’òc dins concèrts. Alidé e los cinc gojats e gojatas haràn un concèrt en la Val d’Aran, le 16 de mai, davant un centenat de joens deus licèus de l’Isla de Baish, Sent Gaudenç e Vielha. La cantaira aranesa a comprés de plan l’interès d’associar d’autes gojats, parièr se son de l’aute costat de la termièra, entà hèr creacions actualas.
Per la musica, le prètzhèit ei tanben de hèr escambis entre les gojats d’Aran e de la Gasconha de l’estat francés. Un cinquantenat de liceans comengeses e de Savés seràn aculhits peu licèu d’Aran, entà passar ua setmaneta en occitan, a la prima.
Nicolau Rei Bèthvéder
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Òsca !
A prepaus, vos que sètz en per Tolosa, sabètz de que devènon las Cogordas Award e Detz.tv ?
#4 Mercés per aqueste complement. Jo qu'aví pensat "que serà tostemps aquò qui ne servirà pas per bastir sos-marins nuclears o alimentar la corrupcion" mes lo vòste argument n'ei pas maishant tanpòc.
Los qui, com jo, denigran çò de subvencionat que s'emparan sovent darrèr arguments sus l'integritat mentre qu'en fèit qu'èm drin gelós.
Demandar subvencions e las obténer que'm sembla tant complicat .... qu'envejam secretament lo monde qui s'ac viran dab aqueth sistema e qu'ei mei simple de gular contra que d'i entrar dehens...
Hèi gai, gausi pensar que n'es pas sonque la debuta. Per l'autodenigracion, los occitans son campions e penius.
Les 7 000 èuros de subvencion son pas brica per ua cançon ! Serviràn entà hèr tot l'album, ei a díser quasi un vintenat de cançons.
En mèi d'aquò, la subvencion servish a hèr un viatge 50 liceans d'occitan entà rescontrar les joens Araneses ua setmana en mai.
Les occitanistas, visiblament, s'aiman autodenigrar. Malurosament, enteni pas tròp d'Occitans repotegar contra le 70% deu budget de la cultura siásque despensat en subenvion dins la region de París... o siásque encara 2 300 000 000 èuros deus nòstes sòus de clacat !!!
Vertat ei qu'ajudar a la transmission de cultura occitana a la joenèssa ei pas ua prioritat entà un occitanista.
7000 € per UA cançon!?
Aquò que s'apèra un budget, diuvivòsta!
Enfin de respiracion e d'avenir plan subvencionat dens la musica d'òc!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari