Actualitats
Belgica a aprovat l’eutanasia pels menors amb de malautiás terminalas e de patiments fisics insuportables
Fa 12 ans que se legalizèt aquela opcion pels adultes
Lo Parlament de Belgica a aprovat l’eutanasia pels menors amb de malautiás terminalas, sens fixar cap d’edat minimala, amb 86 vòtes en favor, 44 contra e 12 abstencions. La lei intrarà en vigor dins las setmanas que venon, 12 ans après que se legalizèsse aquela opcion pels adultes.
Amb aquela lei s’establís que poiràn optar per l’eutanasia los enfants e adolescents que lor malautiá terminala lor provòque de patiments fisics insuportables, e que lor mòrt siá inevitabla a tèrme cort. Lo critèri per aplicar l’eutanasia dins aqueles cases es “la capacitat de discenir” del pacient, que deurà passar un examen psicologic e aver l’autorizacion dels parents.
La deputada socialista Karine Lalieux soslinhèt que la tòca de la lei es pas d’“impausar l’eutanasia a cap de familha ni a cap d’enfant” mas de donar l’opcion al menor per “s’eternizar pas dins lo patiment”. De mai, lo liberal Daniel Bacquelaine argumentèt que lo “drech d’abordar sa vida pròpria e sa mòrt deu èsser pas solament reservat als adultes”. Per contra, la democratacrestiana Sonja Becq se demandèt “s’un enfant de sèt, uèch o nòu ans a pro d’autonomia per demandar l’eutanasia”.
Aquela decision provoquèt las protèstas de grops antieutanasia e de la glèisa catolica. Mas, segon los sondatges, a lo sosten d’una larga majoritat de la societat bèlga.
Amb aquela lei s’establís que poiràn optar per l’eutanasia los enfants e adolescents que lor malautiá terminala lor provòque de patiments fisics insuportables, e que lor mòrt siá inevitabla a tèrme cort. Lo critèri per aplicar l’eutanasia dins aqueles cases es “la capacitat de discenir” del pacient, que deurà passar un examen psicologic e aver l’autorizacion dels parents.
La deputada socialista Karine Lalieux soslinhèt que la tòca de la lei es pas d’“impausar l’eutanasia a cap de familha ni a cap d’enfant” mas de donar l’opcion al menor per “s’eternizar pas dins lo patiment”. De mai, lo liberal Daniel Bacquelaine argumentèt que lo “drech d’abordar sa vida pròpria e sa mòrt deu èsser pas solament reservat als adultes”. Per contra, la democratacrestiana Sonja Becq se demandèt “s’un enfant de sèt, uèch o nòu ans a pro d’autonomia per demandar l’eutanasia”.
Aquela decision provoquèt las protèstas de grops antieutanasia e de la glèisa catolica. Mas, segon los sondatges, a lo sosten d’una larga majoritat de la societat bèlga.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
per metre fin a sei jorsn,doncas per se suicidar per una rason o una autra bona o marrida vesi ren qu'una eventualitat prene un fusiu e se tirar una bala dins la boca, quei mode demplec de nautres caçaires s'un cop se volèm suicidar. e un enfant qu'es pas autonome deurrià aguer drech a totei lei ressorças de la medecina per que moriguèsse en patz , a la granda satisfacion de sei parents qu'auràn decidit sa mort! e lo serment d'Ippocrat ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari