Lo conselhièr general e pòrtavotz d’Unitat d’Aran al Conselh General d’Aran, Paco Boya, envièt una letra a totes los membres de l’Institut d’Estudis Araneses (IEA), que vendrà acadèmia de la lenga occitana per Catalonha, segon un decret aprovat pel Conselh de Govèrn de Catalonha. Dins aquela letra, Boya a mostrat als membres de l’IEA sa “preocupacion e malcontentament”.
E mai s’amb aquela reconeissença s’es complit un mandat de la Lei de l’Occitan, Aranés en Aran, amb la quala l’IEA ven una entitat scientifica e juridica amb autoritat sus la lenga nòstra pel Principat de Catalonha, segon Boya, “eth decret presentat ei contrari ar esperit dera Lei der Occitan, Aranés en Aran, e redigit d’esquies ath Conselh Generau d’Aran”.
Interrogat per Jornalet, Boya mostrèt son indignacion pel decret que fa de l’IEA una acadèmia de la lenga, pr’amor de la manièra que s’es fach, sens consultar lo govèrn aranés. Mostrèt tanben son chepic per la desaparicion de las seccions de l’IEA que son pas de lenga e sustot perque “era decision des academicians non serà independenta, e aquerò viòle er article 3 dera Lei der Occitan, Aranés en Aran”. Boya revendica que los academicians “siguen prepausadi pes Universitats”.
Al delà, dins aquela letra, Boya planh que non i aja agut pas cap de dialòg amb lo Congrès Permanent de la Lenga Occitana (CPLO), “er unic organisme reconeishut pes regions occitanes, per tant unic organisme de referéncia”. Mas lo nomenament del govèrn catalan demanda a l’IEA de collaborar amb las entitats academicas, de recèrca o culturalas que son reconegudas dins Occitània tota.
Fin finala, lo politician aranés carga contra l’estandardizacion de la nòstra lenga. “Pensam qu’era nòsta lengua pròpria non pòt demorar relegada a un dusau o tresau tèrme en favor d’ua supausada lengua estandard que, ne ei consensuada pes sòns parlants ne a patit encara un procès d’estandardizacion acceptat e consensuat pes madeishi”.
Totun, es mai que mai la manca d’acòrdi qu’a menat Unitat d’Aran a èsser contra aquel nomenament de l’IEA. “Non ei era nòsta acadèmia, pr’amor que non i a consens, e nosati representam a 45% des aranesi”, çò diguèt Boya a Jornalet.
E mai s’amb aquela reconeissença s’es complit un mandat de la Lei de l’Occitan, Aranés en Aran, amb la quala l’IEA ven una entitat scientifica e juridica amb autoritat sus la lenga nòstra pel Principat de Catalonha, segon Boya, “eth decret presentat ei contrari ar esperit dera Lei der Occitan, Aranés en Aran, e redigit d’esquies ath Conselh Generau d’Aran”.
Interrogat per Jornalet, Boya mostrèt son indignacion pel decret que fa de l’IEA una acadèmia de la lenga, pr’amor de la manièra que s’es fach, sens consultar lo govèrn aranés. Mostrèt tanben son chepic per la desaparicion de las seccions de l’IEA que son pas de lenga e sustot perque “era decision des academicians non serà independenta, e aquerò viòle er article 3 dera Lei der Occitan, Aranés en Aran”. Boya revendica que los academicians “siguen prepausadi pes Universitats”.
Al delà, dins aquela letra, Boya planh que non i aja agut pas cap de dialòg amb lo Congrès Permanent de la Lenga Occitana (CPLO), “er unic organisme reconeishut pes regions occitanes, per tant unic organisme de referéncia”. Mas lo nomenament del govèrn catalan demanda a l’IEA de collaborar amb las entitats academicas, de recèrca o culturalas que son reconegudas dins Occitània tota.
Fin finala, lo politician aranés carga contra l’estandardizacion de la nòstra lenga. “Pensam qu’era nòsta lengua pròpria non pòt demorar relegada a un dusau o tresau tèrme en favor d’ua supausada lengua estandard que, ne ei consensuada pes sòns parlants ne a patit encara un procès d’estandardizacion acceptat e consensuat pes madeishi”.
Totun, es mai que mai la manca d’acòrdi qu’a menat Unitat d’Aran a èsser contra aquel nomenament de l’IEA. “Non ei era nòsta acadèmia, pr’amor que non i a consens, e nosati representam a 45% des aranesi”, çò diguèt Boya a Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
F. Boya e los comentators ("Platon", Guilhèm, "G. Fèbus"), fasètz totes un concors de niilisme.
Vòstras disputas (pròacademicas e antiacademicas) son esterilas e menan pas pas enluòc.
#2 A l'Acadèmia ocictana, los linguïstas (que non son pagats per aiçò) non se segan pas coma o pretendètz plan respecuosament, mas trabalhan, mai que de far de rasonaments estèrles.
E tròbi ieu que la posicion de Paco Boya es frrejeluga, irrealista e plan pauc coratjosa, estant que cal una lenga modèrna, e non pas 50 versions (una per caton, o perqué pas, una per familha, tant que i sèm), per presentar l'occitan coma lenga modèrna e internacionala, a l'image de sa sòrre bessona catalana, o de sa cosina basca.
#1 Que los lingüistas contunhen de's segar solets, dab totas las academias autoproclamadas que volhan ! La lenga n'ei pas lo ben deus sols lingüistas.
Que saludi la presa de posicion coratjosa e realista de Paco Boya.
Las regions programaticas francesas son incompetentas en linguistica occitana. L'establiment d'un occitan general a ja començat mercés a l'acadèmia occitana, que complirà sa tasca d'un biais radicalament independent de tot potentat politic, potentat qu'en França estarà sempre gallocentrista. E l'acadèmia occitana complirà sa tasca amb o sens lo Congrès Permanent, amb o sens los socialistas ispanocentristas e gallocentristas. Qu'una institucion d'estat (catalan) prenga en camin la tasca qu'a ja entamenada l'acadèmia occitana cambiarà pas ges lo projècte de l'acadèmia. E se l'universitat non vòl pas d'una lenga occitana generala internacionalament credibla, aquò rai, lo projècte se complirà totun, amb o sens l'universitat, tant segurament coma se complirà un estat catalan independent e modèrne.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari