La "Larada Arcencam" creada a Bornòs (Bearn) un an a que boharà sus la candèla peu purmèr còp dissabte, lo 9 de junh sus la comuna d'Aubin, au canton de Tèsa.
La "Larada" qu'ei un larèr de joens autogerit qui perpausa eveniments culturaus, hestius o sociaus sus comunas deu son parçan entà'u har botjar. Arcencam qu'ei lo nom d'aquesta Larada: qu'èra lo horguèr deus dius dens la mitologia pirineana. L'idea qu'ei vaduda mercés a l'influéncia de las experiéncias bascos (Gaztexe) o catalanas (Casals de joves) shens copiar aqueths modèus. La Larada qu'a la soa identitat, los sons objectius e lo son fonccionar pròpis.
La Larada qu'ei bilingua, mixta e qu'arrefusa las discriminacions de tota traca. Despuish la soa creacion, la Larada qu'estó presenta sus 7 comunas deu Nòrd Biarn dab repaish, concèrts, difusion de film, batalèras... e que s'a trobat un purmèr locau petit a Tèsa: "le café des parents".
Lo dia de hèsta a Aubin que serà lo parat d'arremercejar tots los sòcis pròches o luenhers de l'associacion, qu'ei a díser mei d'un centenat de personas qui sostenen lo projècte en esperar la vaduda d'autas Laradas per Biarn, Gasconha e perque pas per Occitània tota.
Informacions peu 9 de junh: entrada a gratis, sala deus espòrts d'Aubin, possibilitat de préner la carta sus plaça, estanquet, animacion musicau e quilhas de 15h enlà. Que podetz contactar per e-mail.
Julian Cabarry
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a la vosta iniciativa! Que seguisham lo projèct a Pau, en Biarn e dens occitània sencèra!
LARADA ABAN!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari