Actualitats
Ianukovych anóncia d’eleccions avançadas per arturar la violéncia
Lo president ucraïnés s’es acordat amb l’oposicion sus de cambiaments dins la constitucion e sus un govèrn d’unitat nacionala
Alan Roch
Lo president ucraïnés, Viktor Ianukovych, anoncèt ièr la convocacion d’eleccions avançadas. Es un dels engatjaments que i arribèt amb los opausants per arturar aquela violéncia dins lo país qu’a provocat de desenats de mòrts. Segon la BBC, Ianukovych acceptèt la formacion d’un govèrn d’unitat nacionala e s’engatgèt a aplicar de cambiaments constitucionals per reduire lo poder del president. Aqueles acòrdis arribèron après una nuèch de negociacion, amb la mediacion dels ministres dels afars estrangièrs de l’Union Europèa.
Lo Parlament vòta per tornar a la constitucion de 2004
De son costat, lo Parlament d’Ucraïna decidiguèt de votar la restitucion de la constitucion de 2004, una de las mesuras que Ianukovych aviá ja anonciat. Aquò se passèt d’un biais insolit: amb lo sosten dels opausants, d’un trentenat de deputats del partit de Ianukovych e sens la preséncia del president del Parlament, Volodymyr Rybak, que quitèt la sala après una scèna de violéncia demest los parlamentaris qu’arribèron als còps de ponh.
Amb aquel vòte, la cap opausanta Iuliia Tymoshenko poiriá èsser liberada pr’amor que l’article del còde penal que l’a condemnada es estat suprimit. Tymoshenko es en preson per “abús de poder” dins l’afar de la disputa del gas amb Russia, mas l’Union Europèa considèra que son empresonament es degut a “de rasons politicas”.
De sancions
Los ministres de l’Union Europèa avián menaçat de far un embarg d’armas, de retirar lo visat a de membres del govèrn ucraïnés e de blocar lors comptes dins lors païses. Los Estats Units avián tanben menaçat amb de sancions, mas tanplan an insistit a cercar una sortida dialogada del conflicte.
Lo conflicte comencèt en novembre, quand lo govèrn decidiguèt de signar pas l’acòrdi d’associacion amb l’Union Europèa perque n’acceptava pas las condicions.
Lo Parlament vòta per tornar a la constitucion de 2004
De son costat, lo Parlament d’Ucraïna decidiguèt de votar la restitucion de la constitucion de 2004, una de las mesuras que Ianukovych aviá ja anonciat. Aquò se passèt d’un biais insolit: amb lo sosten dels opausants, d’un trentenat de deputats del partit de Ianukovych e sens la preséncia del president del Parlament, Volodymyr Rybak, que quitèt la sala après una scèna de violéncia demest los parlamentaris qu’arribèron als còps de ponh.
Amb aquel vòte, la cap opausanta Iuliia Tymoshenko poiriá èsser liberada pr’amor que l’article del còde penal que l’a condemnada es estat suprimit. Tymoshenko es en preson per “abús de poder” dins l’afar de la disputa del gas amb Russia, mas l’Union Europèa considèra que son empresonament es degut a “de rasons politicas”.
De sancions
Los ministres de l’Union Europèa avián menaçat de far un embarg d’armas, de retirar lo visat a de membres del govèrn ucraïnés e de blocar lors comptes dins lors païses. Los Estats Units avián tanben menaçat amb de sancions, mas tanplan an insistit a cercar una sortida dialogada del conflicte.
Lo conflicte comencèt en novembre, quand lo govèrn decidiguèt de signar pas l’acòrdi d’associacion amb l’Union Europèa perque n’acceptava pas las condicions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
l'union europea a ben jugat, coma leis oligarques d'ucraïna rics e corromputs an totis de comptes en Europa, aquela menaça a fach miranda e an cedat, que se ne cresi aquelei que se li coneisson la familha dau president de la republica es la primera concernida; posquèsse aquo nos menar a una evolucion pacifica e democratica e empachar la guèrra civila !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari