Actualitats
Lo parlament de Sardenha poiriá aver un grop parlamentari independentista
L’intrada inesperada e al darrièr moment de partits independentistas dins lo parlament sarde contunha de generar de debat. Se la proposicion lançada per Francescu Sedda, del Partit dels Sardes (partit independentista amb solament quatre meses de vida qu’obtenguèt dos deputats), aguèt ja una responsa afirmativa de la part del Partit dels Rossomori (qu’obtenguèt tanben dos sètis), ara l’istoric partit Independéncia Republica de Sardenha (IRS, amb un deputat), Gavino Sale, es anat al delà. Acceptèt amb estrambòrd la proposicion de Sedda, e faguèt una crida a la reconciliacion e l’unitat de totes los movements independentistas, amb una referéncia explicita a Sardenha Possibla, la formacion de Michela Murgia que, amb fòrça mai de vòtes que totes los autres partits independentistas addicionats, demorèt en defòra del parlament a causa de la polemica lei electorala aprovada sonque sièis meses abans las eleccions. “S’es acabat lo temps de la concurréncia, ara deu començar lo temps de la collaboracion entre los independentistas”, çò diguèt Sale, tot content, en conferéncia de premsa.
Segon aquela nòva lei electorala, solament los partits que supèran un 10% dels vòtes an drech d’accedir al Parlament regional, format per 60 sètis. Aquò provoquèt que se formèsson doas grandas coalicions, una de centredrecha e una autra de centresquèrra. Dins caduna de las doas coalicions s’inscriguèron de petits partits sobeiranistas sardes, en un assag de despassar la barrièra electorala e obténer qualque deputat. Pr’amor que la lei electorala prevei de votar per un partit, e mai s’aquel es dins una coalicion, lo resultat a permés de saber que 26% dels sufragis foguèron per de partits independentistas o nacionalistas sardes.
Alavetz, los cinc independentistas que s’èran presentats a las eleccions dins la coalicion de centresquèrra (un d’IRS, dos dels Rossomori e dos del Partit dels Sardes) formaràn, probable, un grop parlamentari pròpri. Çò que sabèm pas encara, es se s’apondràn a aquel grop los tres deputats del Partit Sarde d’Accion (PSDAZ), que fasiá partida de la coalicion de centredrecha. Lo PSDAZ es un partit de discors sardista e autonomista que dins los darrièrs meses aviá començat a abraçar las tèsis independentistas.
____
Editorial: Tèrratrem en Sardenha
_____
IRS: Sèm una pòrta dobèrta a totes los independentistas
Segon aquela nòva lei electorala, solament los partits que supèran un 10% dels vòtes an drech d’accedir al Parlament regional, format per 60 sètis. Aquò provoquèt que se formèsson doas grandas coalicions, una de centredrecha e una autra de centresquèrra. Dins caduna de las doas coalicions s’inscriguèron de petits partits sobeiranistas sardes, en un assag de despassar la barrièra electorala e obténer qualque deputat. Pr’amor que la lei electorala prevei de votar per un partit, e mai s’aquel es dins una coalicion, lo resultat a permés de saber que 26% dels sufragis foguèron per de partits independentistas o nacionalistas sardes.
Alavetz, los cinc independentistas que s’èran presentats a las eleccions dins la coalicion de centresquèrra (un d’IRS, dos dels Rossomori e dos del Partit dels Sardes) formaràn, probable, un grop parlamentari pròpri. Çò que sabèm pas encara, es se s’apondràn a aquel grop los tres deputats del Partit Sarde d’Accion (PSDAZ), que fasiá partida de la coalicion de centredrecha. Lo PSDAZ es un partit de discors sardista e autonomista que dins los darrièrs meses aviá començat a abraçar las tèsis independentistas.
____
Editorial: Tèrratrem en Sardenha
_____
IRS: Sèm una pòrta dobèrta a totes los independentistas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Caldria que hi hagués una força independentista important a Sardenya,perquè és un país de capos i mafia .molt atrassat. Els partits estatals no hajuden a la lenga sarda ,hi ha pas tv en sard. lEnfi l'autonomia no té contingut si els que governen son els partit romans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari