Actualitats
An descobèrt l’estela mai vièlha de la Galaxia
Se formèt pauc après lo Big Bang, e sa descobèrta nos ajudarà a saber mai de detalhs sus l’origina de l’Univèrs
Un grop de scientifics australians a localizat dins la nòstra Galaxia l’estela mai anciana coneguda fins ara, segon çò que ven de publicar la revista Nature.
L’estela descobèrta es a 6000 ans lutz de la Tèrra e auriá 13,6 miliards d’ans, es a dire que se seriá formada pauc après lo Big Bang. Amb aquela descobèrta poiràn estudiar pel primièr còp la composicion quimica dels primièrs còrses celèstes e se poirà saber mai de detalhs sus las originas de l’Univèrs.
Per calcular l’edat d’una estela, los scientifics determinan la quantitat de fèrre del sieu espèctre de lutz; las estelas mai joves son las qu’acomolan mai de quantitat d’aquel mineral. Dins lo cas de l’estela descobèrta —nomenada “SMSS J031300.36-670839.3”—, los nivèls de fèrre son 60 còps inferiors a tota autra estela coneguda.
La descobèrta l’an facha mercés al telescòpi australian SkyMapper, e los astronòms del telescòpi gigant Magallanes de Chile l’an confirmada.
L’estela descobèrta es a 6000 ans lutz de la Tèrra e auriá 13,6 miliards d’ans, es a dire que se seriá formada pauc après lo Big Bang. Amb aquela descobèrta poiràn estudiar pel primièr còp la composicion quimica dels primièrs còrses celèstes e se poirà saber mai de detalhs sus las originas de l’Univèrs.
Per calcular l’edat d’una estela, los scientifics determinan la quantitat de fèrre del sieu espèctre de lutz; las estelas mai joves son las qu’acomolan mai de quantitat d’aquel mineral. Dins lo cas de l’estela descobèrta —nomenada “SMSS J031300.36-670839.3”—, los nivèls de fèrre son 60 còps inferiors a tota autra estela coneguda.
La descobèrta l’an facha mercés al telescòpi australian SkyMapper, e los astronòms del telescòpi gigant Magallanes de Chile l’an confirmada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari