Actualitats
Un mandat d’arrèst visa Ianukovych per de crimes massisses contra los manifestants
L’oposicion ucraïnesa a pres lo contraròtle del país
Lo nòu govèrn interimari d’Ucraïna ordenèt ièr l’arrèst del president Viktor Ianukovych, que fugiguèt Kyiiv dissabte, après que l’oposicion prenguèsse lo poder del país al parlament en seguida de las grèvas susmautas per carrièras. Dins un messatge publicat sul sieu Facebook, lo nòu ministre de l’interior, Arsen Avakov, assegura que s’es dobèrt una procedura contra Ianukovych per “l’assassinat massís de ciutadans pacifics”. Segon lo nòu govèrn ucraïnés, l’èx-president lo vegèron per lo darrièr còp dimenge passat a Balıqlava (Balaklava), en Crimèa, “d’ont partiguèt vèrs una destinacion inconeguda”.
Lo parlament d’Ucraïna designèt ièr lo president de la cambra e man drecha de Iuliia Tymoshenko, Oleksandr Turchynov, coma nòu president en foncions del país. Son nomenament l’aprovèron amb 285 vòtes sus 339. Turchynov demandèt al parlament d’entreprene de convèrsas per ensajar de trobar una majoritat que poguèsse formar govèrn abans uèi dimars.
Pendent aquela session parlamentària, se destituiguèt los ministres dels afars estrangièrs e de l’educacion, coma dissabte avián ja destituit lo ministre de l’interior, lo procuraire general e d’autres nauts responsables, e lo quite president Viktor Ianukovych. De mai, se convoquèt d’eleccions presidencialas pel 25 de mai, en coïncidissent amb las eleccions al Parlament Europèu.
L’èx-primièra ministra ucraïnesa, Iuliia Tymoshenko, sortiguèt dissabte de l’espital penitenciari ont èra embarrada. Amb lo president en defòra de la vila e l’oposicion que contrarotlava lo parlament, la cambra aprovèt que Tymoshenko foguèsse liberada sul pic. Après sa mesa en libertat, anoncièt que se presentariá a las eleccions del 25 de mai.
L’oposicion, doncas, contraròtla lo país davant lo voide de poder après la fugida de Ianukovych. Dins una entrevista per television, Ianukovych denoncièt que la situacion del país respondiá a un còp d’estat (vidèo). “Lo parlament actual a pres de mesuras illegalas”, çò diguèt, en insistissent qu’el èra lo president legitim e que pensava pas de quitar sa carga.
La comunautat josieva a paur
Lo grand rabin ucraïnés, Moshe Reuven Asman, a fach una crida als josieus de Kyiiv per que quiten la vila, e se pòdon, tanben lo país. Asman a paur que se debanen d’atacs contra los josieus, segon çò que publiquèt lo jornal Haaretz.
Lo parlament d’Ucraïna designèt ièr lo president de la cambra e man drecha de Iuliia Tymoshenko, Oleksandr Turchynov, coma nòu president en foncions del país. Son nomenament l’aprovèron amb 285 vòtes sus 339. Turchynov demandèt al parlament d’entreprene de convèrsas per ensajar de trobar una majoritat que poguèsse formar govèrn abans uèi dimars.
Pendent aquela session parlamentària, se destituiguèt los ministres dels afars estrangièrs e de l’educacion, coma dissabte avián ja destituit lo ministre de l’interior, lo procuraire general e d’autres nauts responsables, e lo quite president Viktor Ianukovych. De mai, se convoquèt d’eleccions presidencialas pel 25 de mai, en coïncidissent amb las eleccions al Parlament Europèu.
L’èx-primièra ministra ucraïnesa, Iuliia Tymoshenko, sortiguèt dissabte de l’espital penitenciari ont èra embarrada. Amb lo president en defòra de la vila e l’oposicion que contrarotlava lo parlament, la cambra aprovèt que Tymoshenko foguèsse liberada sul pic. Après sa mesa en libertat, anoncièt que se presentariá a las eleccions del 25 de mai.
L’oposicion, doncas, contraròtla lo país davant lo voide de poder après la fugida de Ianukovych. Dins una entrevista per television, Ianukovych denoncièt que la situacion del país respondiá a un còp d’estat (vidèo). “Lo parlament actual a pres de mesuras illegalas”, çò diguèt, en insistissent qu’el èra lo president legitim e que pensava pas de quitar sa carga.
La comunautat josieva a paur
Lo grand rabin ucraïnés, Moshe Reuven Asman, a fach una crida als josieus de Kyiiv per que quiten la vila, e se pòdon, tanben lo país. Asman a paur que se debanen d’atacs contra los josieus, segon çò que publiquèt lo jornal Haaretz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari