Actualitats
Lo ministre espanhòl de l’interior a decorat una verge
Nòstra Dòna Maria Santissima de l’Amor, venerada en Andalosia, a recebut la decoracion del meriti policièr
Lo ministre espanhòl de l’interior, Jorge Fernández Díaz, a concedit la medalha d’aur del meriti policièr, de faiçon onorifica, a Nòstra Dòna Maria Santissima de l’Amor, segon l’òrdre ministerial qu’el signèt lo 3 de febrièr passat. Lo ministre a justificat lo fach d’autrejar la decoracion a una verge perque sos confraires collabòran “estrechament” amb la polícia “dins los actes que se celèbran pendent la Setmana Santa”. Lo ministre tanben vòl reconéisser las valors de “dedicacion, pena, solidaritat e sacrifici” de la còla religiosa.
Es pas lo primièr còp que la devocion religiosa pren sa plaça dins lo govèrn espanhòl del Partit Popular. En setembre de 2012, lo govèrn espanhòl autregèt la granda crotz de la gàrdia civila a Nòstra Dòna del Pilar. De mai, l’evesque emerit José Sánchez, de Sigüenza e Guadalajara, recebèt la medalha d’onor de l’emigracion e en setembre lo ministre donèt a l’òrdre religiós de la Mercé la medalha d’aur del meriti “per lor òbra pastorala dins las presons espanhòlas”.
Es pas lo primièr còp que la devocion religiosa pren sa plaça dins lo govèrn espanhòl del Partit Popular. En setembre de 2012, lo govèrn espanhòl autregèt la granda crotz de la gàrdia civila a Nòstra Dòna del Pilar. De mai, l’evesque emerit José Sánchez, de Sigüenza e Guadalajara, recebèt la medalha d’onor de l’emigracion e en setembre lo ministre donèt a l’òrdre religiós de la Mercé la medalha d’aur del meriti “per lor òbra pastorala dins las presons espanhòlas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Com mai putas son mai lècan los pès de la Verge. "Pena e sacrifici" aquò's pels autres, ne dobtatz pas! Los trobadors sortiguèron la poësia de l'obscurantisme religiós, ausèron cantar la femna sens s'obligar a l'amagar darrièr l'image de Maria. De bestièsas coma la del Fernández Díaz representan una tornada enrè de 900 ans!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari