Actualitats
Oganda: de preson a perpetuitat pels omosexuals “recidivistas”
E de penas de preson pels parents e pels amics dels omosexuals que los denóncien pas
Lo president d’Oganda, Yoweri Museveni, signèt diluns passat una lei que prevei la preson a perpetuitat pels omosexuals “recidivistas”. La nòva lei, que lo parlament l’a aprovada, fa mai duras las leis omofòbas ja existentas en tot punir amb de penas de preson las practicas omosexualas, e quitament los parents e amics dels omosexuals se los denóncian pas.
Abans d’aprovar aquela lei, Museveni encarguèt un rapòrt a un grop de cartòrze “scientifics” que concluguèron que l’omosexualitat “es pas una malautiá mas un comportament anormal que s’apren a travèrs de las experiéncias de la vida”. Amb aquò, lo president ogandés ensaja de respondre a las criticas internacionalas.
L’ÒNU a protestat per mejan d’un comunicat signat del Programa Conjonch de las Nacions Unidas sul Sida (UNAIDS). La lei antiomosexualitat a de “seriosas implicacions suls dreches umans”, çò ditz. Al delà, se demanda a las autoritats ogandesas de refusar aquela lei, perque s’intrèsse en vigor, auriá d’implicacions sus la santat publica. L’UNAIDS considèra qu’en 2012 i aviá un milion e mièg de personas amb lo virus d’immunodeficiéncia umana (VIU).
De lor costat, los Estats Units an criticat aquela lei que “fa complicadas las relacions entre los dos païses”. Lo president dels Estats Units, Barack Obama, aviá ja exigit la setmana passada qu’Oganda aprovèsse pas aquela lei car “fa recular los dreches umans e l’egalitat”. Mas Museveni respondèt que “las relacions entre païses se devon basar sus l’egalitat e non pas sul servilisme”.
_____
Amnestia Internacionala: Uganda: President Museveni Signs Anti-Homosexuality Bill
Abans d’aprovar aquela lei, Museveni encarguèt un rapòrt a un grop de cartòrze “scientifics” que concluguèron que l’omosexualitat “es pas una malautiá mas un comportament anormal que s’apren a travèrs de las experiéncias de la vida”. Amb aquò, lo president ogandés ensaja de respondre a las criticas internacionalas.
L’ÒNU a protestat per mejan d’un comunicat signat del Programa Conjonch de las Nacions Unidas sul Sida (UNAIDS). La lei antiomosexualitat a de “seriosas implicacions suls dreches umans”, çò ditz. Al delà, se demanda a las autoritats ogandesas de refusar aquela lei, perque s’intrèsse en vigor, auriá d’implicacions sus la santat publica. L’UNAIDS considèra qu’en 2012 i aviá un milion e mièg de personas amb lo virus d’immunodeficiéncia umana (VIU).
De lor costat, los Estats Units an criticat aquela lei que “fa complicadas las relacions entre los dos païses”. Lo president dels Estats Units, Barack Obama, aviá ja exigit la setmana passada qu’Oganda aprovèsse pas aquela lei car “fa recular los dreches umans e l’egalitat”. Mas Museveni respondèt que “las relacions entre païses se devon basar sus l’egalitat e non pas sul servilisme”.
_____
Amnestia Internacionala: Uganda: President Museveni Signs Anti-Homosexuality Bill
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un grop de scientifics... Vesèm que la sciència mai que cultura es culturala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari