Actualitats
Manifestacion a Pau per gardar la Calandreta
En seguida del barrament de la Calandreta d’Artics per l’observacion estricta d’una lei de 1850, cridan a manifestar dissabte 15 de març a Pau per defendre l’escòla en occitan
Dissabte 15 de març se debanarà a Pau (Bearn) una manifestacion per defendre las Calandretas. Las escòlas immersivas en occitan son menaçadas per l’estat francés, segon los organizaires.
A descadenat la protèsta lo barrament de la Calandreta d’Artics (Bearn), anonciada pels servicis de l’estat lo 4 de julhet que ven, en seguida de l’exigéncia del prefècte de respectar la lei Falloux, una lei de 1850 qu’enebís la mesa a disposicion de locals als establiments privats.
Dins aquel contèxt d’una lei del sègle XIX, e en cas de son aplicacion estricta, se met en perilh una de las reüssidas màgers del pòble occitan, l’escòla immersiva dins la lenga del país, qu’espeliguèt precisament en Bearn fa 35 ans de l’iniciativa populara e ciutadana.
Es per aquò que se crida a manifestar a Pau, per la defensa, promocion e transmission de lenga occitana per quina escòla que siá, privada o non.
En mai de manifestar per carrièras, los organizaires an mes en linha una peticion que podètz signar.
A descadenat la protèsta lo barrament de la Calandreta d’Artics (Bearn), anonciada pels servicis de l’estat lo 4 de julhet que ven, en seguida de l’exigéncia del prefècte de respectar la lei Falloux, una lei de 1850 qu’enebís la mesa a disposicion de locals als establiments privats.
Dins aquel contèxt d’una lei del sègle XIX, e en cas de son aplicacion estricta, se met en perilh una de las reüssidas màgers del pòble occitan, l’escòla immersiva dins la lenga del país, qu’espeliguèt precisament en Bearn fa 35 ans de l’iniciativa populara e ciutadana.
Es per aquò que se crida a manifestar a Pau, per la defensa, promocion e transmission de lenga occitana per quina escòla que siá, privada o non.
En mai de manifestar per carrièras, los organizaires an mes en linha una peticion que podètz signar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Que vien deu prefècte, qui lhèu ei occitan eth tanben.
Los servicis de l'estat de Pau son fach per d'occitans çò me sembla. Es totjorn parelh son los occitans meteis que nos fan conhol tot e còp.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari