La Corèa del Nòrd, vista dempuèi l’espaci, sembla que la nuèch la se siá engolida. Aquò es çò que se pòt veire sus aqueste vidèo impressionant, enregistrat a l’Estacion Espaciala Internacionala lo 30 de genièr passat e que la NASA ven de publicar adès.
 
Dins los imatges se pòt veire l’illuminacion nocturna de las vilas dels païses de l’èst d’Asia que la camèra lor passa dessús, fins qu’arribam a la peninsula de Corèa: entre la Corèa del Sud e China i a una estenduda gaireben escura del tot, qu’es la Corèa del Nòrd, amb un sol ponch flac de lum que ven de sa capitala Pyeongyang.