An detectat la fugida d’aperaquí 100 tonas d’aiga radioactiva a la centrala nucleara de Fukushima, en Japon. E mai se l’aiga es pas arribada a la mar, la Companhiá d’Energia Electrica de Tòquio (TEPCO) a raportat de donadas inquietantas: la radiacion detectada dins l’aiga es fòrça nauta (230 milions de de becquerels per litre).
En seguida de l’accident nuclear, las aigas sosterranhas venon contaminadas en passar jos l’endrech e, sul pic, son extrachas en mesas en de depauses per evitar qu’arriben a la mar. Aparentament la filtracion ven de la tampa superiora d’un d’aqueles depauses.
Aqueles depauses enregistrèron fòrça fugidas grèvas l’estiu passat, dont una foguèt talament seriosa que l’Organisme Internacional de l’Energia Atomica (OIEA) la classèt al nivèl 3, segon l’escala internacionala d’eveniments atomics.
TEPCO es a l’ora d’ara a examinar la causa de la fugida e a retirar tota l’aiga e la tèrra contaminadas. Per arrestar lo flux incessant d’aiga contaminada e mesa en depauses, plaçaràn de barrièras de glaç a l’entorn dels fluxes d’aiga per ne frenar la progression.
Lo tèrratrem e lo tsunami de l’11 de març de 2011 provoquèron a la centrala nucleara de Fukushima lo pièger accident nuclear dempuèi lo de Chornobyl (Ucraïna) en 1986. L’accident a afectat grèvament l’agricultura, l’elevatge e la pesca localas e aperaquí 52 000 personas son estadas desplaçadas.
En seguida de l’accident nuclear, las aigas sosterranhas venon contaminadas en passar jos l’endrech e, sul pic, son extrachas en mesas en de depauses per evitar qu’arriben a la mar. Aparentament la filtracion ven de la tampa superiora d’un d’aqueles depauses.
Aqueles depauses enregistrèron fòrça fugidas grèvas l’estiu passat, dont una foguèt talament seriosa que l’Organisme Internacional de l’Energia Atomica (OIEA) la classèt al nivèl 3, segon l’escala internacionala d’eveniments atomics.
TEPCO es a l’ora d’ara a examinar la causa de la fugida e a retirar tota l’aiga e la tèrra contaminadas. Per arrestar lo flux incessant d’aiga contaminada e mesa en depauses, plaçaràn de barrièras de glaç a l’entorn dels fluxes d’aiga per ne frenar la progression.
Lo tèrratrem e lo tsunami de l’11 de març de 2011 provoquèron a la centrala nucleara de Fukushima lo pièger accident nuclear dempuèi lo de Chornobyl (Ucraïna) en 1986. L’accident a afectat grèvament l’agricultura, l’elevatge e la pesca localas e aperaquí 52 000 personas son estadas desplaçadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari