Actualitats
D’òmes armats assautan lo parlament de Crimèa e i issan la bandièra russa
Putin a mes en estat d’alèrta las tropas a l’oèst e al centre de Russia. Ianukovych demanda proteccion a Russia e se considèra lo president legitim d’Ucraïna
Un grop d’òmes intrèron ièr armats dins la sedença del govèrn e del parlament de la Republica Autonòma de Crimèa, al sud d’Ucraïna, segon çò que raportèt la television locala ICTV. I issèron una bandièra russa e arborèron l’eslogan “Crimèa es Russia”. Los assalhidors portavan de ribans de color negra e irange, un simbòl rus de la victòria pendent la Segonda Guèrra Mondiala.
Segon qualques informacions, las bastissas publicas de Crimèa serián ocupadas per un grop nomenat Autodefensa de la Populacion Russofòna de Crimèa, un movement format per d’èx-militars e d’èx-agents de l’intelligéncia.
La capitala de Crimèa, Sinferòpol, protagonizèt abans ièr d’afrontaments fòrça violents entre los manifestants pròrusses e los manifestants partisans dels nòus dirigents ucraïneses qu’an pres lo poder.
Tot aquò se passèt qualques oras après que lo president de Russia, Vladimir Putin, ordenèsse a l’armada de metre las tropas en alèrta a l’oèst e al centre de Russia, segon çò qu’aviá raportat lo ministre de la defensa Sergei Shoigu.
Ianukovych se considèra lo president legitim
De son costat, lo president destituit d’Ucraïna publiquèt ièr un comunicat en disent que se considèra “lo cap legitim de l’executiu ucraïnés”. Ianukovych afirmava que las regions del sud e del sud-èst d’Ucraïna accèptan pas l’anarquia e refusan que lors dirigents sián causits per carrièras.
Moscòu a acceptat de garentir sa seguretat sul territòri rus, sens indicar lo luòc ont se tròba.
Segon qualques informacions, las bastissas publicas de Crimèa serián ocupadas per un grop nomenat Autodefensa de la Populacion Russofòna de Crimèa, un movement format per d’èx-militars e d’èx-agents de l’intelligéncia.
La capitala de Crimèa, Sinferòpol, protagonizèt abans ièr d’afrontaments fòrça violents entre los manifestants pròrusses e los manifestants partisans dels nòus dirigents ucraïneses qu’an pres lo poder.
Tot aquò se passèt qualques oras après que lo president de Russia, Vladimir Putin, ordenèsse a l’armada de metre las tropas en alèrta a l’oèst e al centre de Russia, segon çò qu’aviá raportat lo ministre de la defensa Sergei Shoigu.
Ianukovych se considèra lo president legitim
De son costat, lo president destituit d’Ucraïna publiquèt ièr un comunicat en disent que se considèra “lo cap legitim de l’executiu ucraïnés”. Ianukovych afirmava que las regions del sud e del sud-èst d’Ucraïna accèptan pas l’anarquia e refusan que lors dirigents sián causits per carrièras.
Moscòu a acceptat de garentir sa seguretat sul territòri rus, sens indicar lo luòc ont se tròba.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Enfin! Les Ukrainiens vont prendre les armes contre la CIA, l'UE et toutes les tentatives de déstabilisation du mondialisme néolibéral. J'espère qu'ils ne laisseront pas leur pays être mis à sac par la finance internationale, voeu des pseudo démocrates occidentaux.
E ara començan los jòcs!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari