Actualitats
Los intermitents de l’espectacle an manifestat per manténer lor regim especial
L’organizacion patronala MEDÈF prepausa la desaparicion particulara dels intermitents de l’espectacle en los fondre dins lo regim general d’assegurança de caumatge
Los intermitents de l’espectacle manifestèron ièr dins las principalas vilas d’Occitània e de tot l’estat francés, en oposicion al projècte del MEDÈF, l’organizacion patronala francesa, que prepausa la desaparicion particulara dels intermitents de l’espectacle per los fondre dins lo regim general de l’assegurança de caumatge.
Los intermitents de l’espectacle son, dins l’estat francés, d’artistas o de tecnicians que trabalhan per intermiténcia, en alternant de periòdes d’emplec o de caumatge, e qu’òbran dins d’entrepresas d’espectacle en viu, de cinèma e d’audiovisual; e benefícian de prestacions de caumatge mai favorablas que las del regim general.
Per servar lors dreches socials, menaçats per la propòsta del MEDÈF, manifestèron ièr a Marselha, Tolosa, Montpelhièr, Valença, Niça, Bordèu, Gap, Baiona e endacòm mai dins l’estat francés. Dimècres avián ja manifestat a Lemòtges.
Los intermitents de l’espectacle son, dins l’estat francés, d’artistas o de tecnicians que trabalhan per intermiténcia, en alternant de periòdes d’emplec o de caumatge, e qu’òbran dins d’entrepresas d’espectacle en viu, de cinèma e d’audiovisual; e benefícian de prestacions de caumatge mai favorablas que las del regim general.
Per servar lors dreches socials, menaçats per la propòsta del MEDÈF, manifestèron ièr a Marselha, Tolosa, Montpelhièr, Valença, Niça, Bordèu, Gap, Baiona e endacòm mai dins l’estat francés. Dimècres avián ja manifestat a Lemòtges.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Plan segur ! demai avèm 577 deputats son plan maites que los USA, un govern de 34 ministres plan mai que çò que se far dins U.E. Aquò's segur la menestra es bona!
Lo Medef, braç armat dels govèrns franceses, seriá mai inspirat de s'interessar als regims indemnitaris de caumatge dels parlamentaris franceses
http://www.latribune.fr/actualites/economie/france/20120614trib000703902/l-argent-des-deputes-mythes-et-realites.html
França ten pas los mejan de contunhar aquèl sistémi. Los intermitents devon cotisar mentre 507 oras sus detz meses per ésser indemnisats mentre uèit meses, los autres devon cotisar 610 oras sus vint e uèit meses per obtener una indemnisacion plan mens longa : una jornada indemnisasada per jorn trabalhat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari