Lo Tribunal Constitucional espanhòl a legitimat la participacion internacionala de las seleccions esportivas catalanas cada còp que s'afronten pas contra las seleccions espanhòlas. En una senténcia facha publica ièr, lo naut tribunal espanhòl negligiguèt lo recors d'inconstitucionalitat presentat en 1999 pel president del govèrn espanhòl de l'epòca, José María Aznar.

Lo tribunal espanhòl establís que la participacion de las federacions catalanas "es constitucionala cada còp qu'i aja pas de confluéncia dels sieus interèsses amb los interèsses de l'ensemble de l'espòrt federat espanhòl" e qu'"en cap de cas, empediscan pas o perturben pas las competicions de l'estat de coordinacion e representacion internacionala de l'espòrt espanhòl".
 
La plataforma PròSeleccions Esportivas Catalanas es pas d'acòrdi amb la restriccion qu'empedís que las seleccions catalanas pòscan pas participar als eveniments ont i participe tanben una seleccion espanhòla. Considèran que s'agís d'una decision "absoludament politica". Ça que la, la plataforma se felicita pel refús del recors d'inconstitucionalitat del govèrn d'Aznar, que recorreguèt a un article de la Lei de l'Espòrt de Catalonha, segon lo qual "las federacions esportivas catalanas de cada modalitat esportiva son, segon las representantas de l’espòrt respectiu, federadas dins los domenis supraautonomics".