Lo vicepresident del Parlament Europèu, Jacek Protasiewicz, foguèt menat al pòst de polícia dins l’aeropòrt de Francfòrt de Main per aver insultat dos agents de la doana en los tractant de nazis e en lor largant de crits de “Heil Hitler”. Los faches se passèron dimars 25 de febrièr, quand lo politician polonés del grop del Partit Popular Europèu, dins sos 46 ans, insultèt un policièr, segon çò que dison qualques testimònis dins lo quotidian sensacionalista alemand Bild. Segon aquela publicacion, Protasiewicz semblava ebri mortal e se teniá pas drech.
 
Après l’incident, foguèt menat al pòst de polícia dins l’aeropòrt e après l’identificar lo daissèron liure. En seguida, Protasiewicz expliquèt que se sentiguèt maltractat per la polícia alemanda e, pr’amor d’aquò, reagiguèt aital.