Actualitats
Putin a ordenat la retirada de las tropas desplegadas sus la frontièra amb Ucraïna
Los Estats Units e l’Union Europèa quichavan Russia per que faguèsse un gèst de distension. Putin ditz qu’una intervencion militara seriá “legitima mas pas necessària” e reconeis solament Ianukovych coma president legitim d’Ucraïna
Lo president de Russia, Vladimir Putin, a ordenat lo retorn de las tropas qu’an participat als exercicis militars a l’oèst e al centre del país, segon çò que raportèt ièr lo Cremlin. La setmana passada Putin faguèt metre en estat d’alèrta aquelas zònas del país, compreses los territòris frontalièrs amb Ucraïna. La decision del replegament de tropas arribèt l’endeman que s’arribèsse a far public un presumit ultimatum rus a las fòrças ucraïnesas, al mitan d’un aument de la tension entre los govèrns dels dos païses.
Putin: “una intervencion militara seriá legitima mas pas necessària”
Putin declarèt ièr que tota decision d’emplegar las fòrças armadas russas en Ucraïna seriá “legitima”, e mai s’estimèt qu’enviar de tropas en Ucraïna èra “pas necessari per ara”. Apondèt que Russia se resèrva lo drech de recórrer a “totes los mejans” per protegir sos ciutadans dins aquel país. Viktor Ianukovych, destituit e remplaçat per un president interimari, es segon Putin lo sol president legitim en Ucraïna: “del vejaire juridic i a qu’un sol president legitim, es clar qu’a pas de poder. Mas, o ai ja dich, o vòli repetir, lo president legitim d’un ponch de vista purament juridic es evidentmaent Ianukovych”, çò diguèt lo president rus.
Ièr de matin, lo gigant gasièr rus Gazprom suggeriguèt d’acordar un crèdit de 2 a 3 miliards de dolars a Ucraïna per reglar son deute per rapòrt al gas.
Pression dels Estats Units e de l’Union Europèa
Los Estats Units avián anonciat que suspendrián la cooperacion militara amb Russia a causa del desplegament de tropas en Crimèa.
De lor costat, los ministres dels afars estrangièrs de l’Union Europèa exigiguèron diluns passat a Russia que retirèsse sas fòrças militaras de la peninsula de Crimèa e avertiguèron que, s’o faguèsse pas, i poiriá aver “de consequéncias dins las relacions bilateralas entre Russia e l’Union”. Dins una reünion extraordinària a Brussèlas, los responsables dels afars estrangièrs de l’UE prepausèron de suspendre las negociacions suls visats e los acòrdis economics, e mai d’estudiar de “mesuras especificas”. Mas aquelas accions concretas las aprovaràn dijòus los caps d’estat e de govèrn, dins una autra amassada. La sola decision ferma dels ministres foguèt, diluns, d’arturar los preparatius per la participacion a la reünion del G8 a Sochi.
“L’Union Europèa e los estats membres que participan al G8 an decidit de suspendre, per ara, lor participacion a las activitats restacadas a las preparacions de la reünion del G8 a Sochi en julhet”, çò ditz lo comunicat oficial de la reünion dels ministres dels afars estrangièrs.
Reünion extraordinària
“L’ambicion es de capitar que la situacion se melhore. Senon, lo camin l’a marcat lo conselh dels afars estrangièrs. E lo Conselh Europèu deurà considerar çò que vòl far”, çò diguèt la nauta representanta de la diplomacia europèa, Catherine Ashton.
Lo ministre francés, Laurent Fabius, considèra que la situacion de Crimèa es la crisi mai grèva dels darrièrs vint ans en Euròpa e que los ministres son conscients de la gravitat dels faches. “Se i a pas de mesuras extrèmament rapidas e concretas per rebaissar la tension de la part russa, avèm previstas de responsas”, çò apondèt, amb referéncia a la discussion suls visats o suls acòrdis economics.
DavidCameron avertís de las “consequéncias”
Lo primièr ministre britanic, David Cameron, alertèt lo Cremlin que violar la sobeiranetat e l’integritat territoriala d’Ucraïna auriá de consequéncias. Avertiguèt de “pressions diplomaticas, politicas e economicas” sus Russia per que frenèsse l’escalada de tension en Crimèa. Après aver parlat amb lo secretari general de l’ÒNU, Ban Gimun (Ban Ki-Moon), Cameron faguèt una crida als caps internacionals per que jonguèsson son messatge, e prometèt que fariá tot çò que poiriá per que los govèrns rus e ucraïnés parlèsson de lor avenir.
Putin: “una intervencion militara seriá legitima mas pas necessària”
Putin declarèt ièr que tota decision d’emplegar las fòrças armadas russas en Ucraïna seriá “legitima”, e mai s’estimèt qu’enviar de tropas en Ucraïna èra “pas necessari per ara”. Apondèt que Russia se resèrva lo drech de recórrer a “totes los mejans” per protegir sos ciutadans dins aquel país. Viktor Ianukovych, destituit e remplaçat per un president interimari, es segon Putin lo sol president legitim en Ucraïna: “del vejaire juridic i a qu’un sol president legitim, es clar qu’a pas de poder. Mas, o ai ja dich, o vòli repetir, lo president legitim d’un ponch de vista purament juridic es evidentmaent Ianukovych”, çò diguèt lo president rus.
Ièr de matin, lo gigant gasièr rus Gazprom suggeriguèt d’acordar un crèdit de 2 a 3 miliards de dolars a Ucraïna per reglar son deute per rapòrt al gas.
Pression dels Estats Units e de l’Union Europèa
Los Estats Units avián anonciat que suspendrián la cooperacion militara amb Russia a causa del desplegament de tropas en Crimèa.
De lor costat, los ministres dels afars estrangièrs de l’Union Europèa exigiguèron diluns passat a Russia que retirèsse sas fòrças militaras de la peninsula de Crimèa e avertiguèron que, s’o faguèsse pas, i poiriá aver “de consequéncias dins las relacions bilateralas entre Russia e l’Union”. Dins una reünion extraordinària a Brussèlas, los responsables dels afars estrangièrs de l’UE prepausèron de suspendre las negociacions suls visats e los acòrdis economics, e mai d’estudiar de “mesuras especificas”. Mas aquelas accions concretas las aprovaràn dijòus los caps d’estat e de govèrn, dins una autra amassada. La sola decision ferma dels ministres foguèt, diluns, d’arturar los preparatius per la participacion a la reünion del G8 a Sochi.
“L’Union Europèa e los estats membres que participan al G8 an decidit de suspendre, per ara, lor participacion a las activitats restacadas a las preparacions de la reünion del G8 a Sochi en julhet”, çò ditz lo comunicat oficial de la reünion dels ministres dels afars estrangièrs.
Reünion extraordinària
“L’ambicion es de capitar que la situacion se melhore. Senon, lo camin l’a marcat lo conselh dels afars estrangièrs. E lo Conselh Europèu deurà considerar çò que vòl far”, çò diguèt la nauta representanta de la diplomacia europèa, Catherine Ashton.
Lo ministre francés, Laurent Fabius, considèra que la situacion de Crimèa es la crisi mai grèva dels darrièrs vint ans en Euròpa e que los ministres son conscients de la gravitat dels faches. “Se i a pas de mesuras extrèmament rapidas e concretas per rebaissar la tension de la part russa, avèm previstas de responsas”, çò apondèt, amb referéncia a la discussion suls visats o suls acòrdis economics.
DavidCameron avertís de las “consequéncias”
Lo primièr ministre britanic, David Cameron, alertèt lo Cremlin que violar la sobeiranetat e l’integritat territoriala d’Ucraïna auriá de consequéncias. Avertiguèt de “pressions diplomaticas, politicas e economicas” sus Russia per que frenèsse l’escalada de tension en Crimèa. Après aver parlat amb lo secretari general de l’ÒNU, Ban Gimun (Ban Ki-Moon), Cameron faguèt una crida als caps internacionals per que jonguèsson son messatge, e prometèt que fariá tot çò que poiriá per que los govèrns rus e ucraïnés parlèsson de lor avenir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Escotavi France Inter aqueu matin avans que d'anar au trabalh e manquèri m'estofar (dau rire ò de pietat, va sabi pas encara) quora ausiguèri Jean-Luc Mélanchon demandar qu'Ukraïna tòrne oficializar au sieu lo rus coma lenga oficiala per apasimar Russia...
Li faudrà tornar dire, un d'aquelei jorns...
Senher Geli Grande ,tot aquerò que m'estoni ,que saludatz eths coratge deths manifestaires de Kiev mès que desbrombatz de diser qué laguens aqueths que's tròba Svoboba er'estrema deitra qui estè dab eths nazis pendent era dusau guerra mondiau e de qui an actuaument n'eth naveth governament d'Ukrania mantus minstres de qui an interdit era langa Arrussa en Ukrania, beròia faiçon d'arrespectar eras minoritats o eras majoritats ,que disi aquerò pormor que'n Crimea eths Arrusses son majoritaris a 90 % dera populacion que cau saber tanben qu'era Crimea qu'ei Arrusa desempuix aumens 400 ans e lhèu mes desempuix tostemps ,donca qui'm sembla comprener qu'etz d'acòrd dab era geopòltica deths USA entà estrema er'Arussia en eth hond deth continent , pormor Arussia qu'ei era mes grana concurrenta deths USA en eth monde tà çò qui ei dera venta d'armas e deras mateiras energitiquas,que sabetz totun qu'etu but deths USA qu'ei de mestrejar eth monde ,e puix eras intervencions deths USA per tot n'eth monde , qu'an estat malastres per tot .Jo que sòi de còr dab eth pòble Arrusse qu'ei ua grana nacion un pòble hòrt qui non vòu pas baixa cap davant eths USA .Mès qu'ac sabetz totun er'Union Europenca qu'ei eth vasau deths USA çò qu'eth mestre ditz era qu'ac hè .Que sòi desempuix trenta ans n'eths moviments occitanistes que valeré mes diser desempuix tostemps deth dia que sòi vajut qui sòi cajut laguens mès que'm sòi arrendut conde de qui tots vosautis qu'eths de gaucha bòbò qui cre a tot lo monde ei beròi e tot lo monde ei brave ,mès non n'ei pas atau eras causas de quan en quan que cau ensenhar eths caixaus .
Ucraina
Lo Partit de la Nacion Occitana saluda lo coratge dels manifestants de Kiev que, al prètz de lor sang ont capitat a caçar del poder lo president Victor Ianoucovitch e son regim corromput. Las menaças proferidas per Vladimir Poutine, nostalgic de l’Union Sovietica, contra lo novèl poder transitòri ucrainian e l’ocupacion militara de Crimea pels militars russes son de manifestacions de l’imperialisme tradicional de la Russia tsarista, sovietica e post-sovietica envèrs sos vesins e mai que mai Ucraina.
Solide, es deplorable que lo parlament ucrainian aja abrogada la lei de politica lingüistica que balhava a la lenga russa una protección en tant que “lenga regionala o minoritària” (dins lo sens de la Convencion del Conselh de l’Euròpa) mas devèm observar qu’Ucraina demòra ligada per aquela convención, que signèt e ratifiquèt (al contrari de França e de Russia) e que deu donc manténer una tala protección per la lenga russa. Los russofònes majoritaris dins l’Est de l’Ucraina son siá d’indigènes, ucrainians russificats chas eles, siá d’allogènes d’origina russa o autra installats per la màger part al sègle XX pr’amor de l’industrializacion de la region decidida per las autoritats sovieticas. Se fòrça ucrainians de l’Est parlan pas que rus, se sentisson pasmens ucrainians e an pas cap d’enveja d’èstre restacats a la Federacion de Russia, restacament que res pòt pas justificar.
Per contra las regions « russas » vesinas de Rostov e Krasnodar son elas tanben pòbladas d’ucrainians russificats e devon èstre consideradas coma ucrainianas.
En Crimèa, se pòt concebre de manténer una basa militara russa a Sebastopòl sens que l’armada russa ocupe aquel territòri e que Russia lo pòble de russes.
De mai, l’Estat ucrainian deu respectar los drechs de las minoritats nacionalas, sens oblidar los dels russes e mai que mai los dels tatars (turcs) ocupants legitims de Crimèa.
Enfin, l’ONU, l’Union europenca e los U.S.A devon s’opausar per totes los mejans pacifics a lor disposicion a la politica aventurista de Poutine en Ucraina.
Per quant a l’Union europenca, lo Partit de la Nacion Occitana pensa que deu clarificar sas relacions amb Ucraina e daissar la pòrta dobèrta a una eventuala adesion d’aquela a l’Union.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari