Actualitats
La fugida d’una convèrsa entre lo ministre dels afars estrangièrs d’Estònia e Catherine Asthon fa dobtar sus qui tuèt los manifestants de Kyiiv
Lo ministre i ditz que los franctiraires podián èsser de l’oposicion, per far tombar lo govèrn de Ianukovych
La fugida d’una convèrsa telefonica entre lo ministre dels afars estrangièrs d’Estònia, Urmas Paet, e la representanta de la politica exteriora de l’UE, Catherine Ashton, a originat un autentic escandal. Paet, qu’a reconegut que la convèrsa publicada sus Youtube e difonduda per un canal rus es autentica, i ditz que los dirigents de l’oposicion a Ianukovych podián aver ordenat de tirar contra los lors manifestants, per acusar lo govèrn del masèl.
Dins la convèrsa, lo ministre estonian ditz que tot aquò o li an explicat de membres de l’oposicion de sa fisança e ditz tanben qu’a verificat que las plagas dels manifestants e las dels policièrs èran identicas e que podián venir dels meteisses franctiraires. Totun, lo mètge qu’el cita coma font d’aquela donada o neguèt mai tard dins una cadena de television britanica.
Après publicar aquela convèrsa, qu’èra privada e que se sap pas qual l’enregistrèt, lo ministre estonian reconeguèt qu’èra autentica, en nuançant que çò qu’el i ditz es çò que li diguèron a el, quand vesitèt Kyiiv, de mond que son de sa fisança, de mond que li diguèron tanben qu’aquò, lo nòu govèrn o vòl pas metre en examen, e mai s’o li demandan.
Segon Paet, s’el tenguèt aquela convèrsa amb Ashton, es perque considèra que d’investigar pas aquelas acusacions, aquò pòt far mal a las nòvas autoritats ucraïnesas. Mas demanda que, e mai se i ditz clarament çò que i ditz, que se prenga aquela version per bona e segura fins que i aja una enquèsta coma cal.
La publicacion de la convèrsa a causat un grand chepic a l’Union Europèa per las consequéncias que pòt aver sus l’imatge internacional del nòu govèrn ucraïnés, mas tanben perque qualqu’un a capitat d’enregistrar una convèrsa entre un ministre e la representanta europèa per la politica exteriora, e s’es dinfonduda. Fa d’ans que l’OTAN avertís de l’infiltracion dels servicis secrets russes en Estònia. De fach, aquel enregistrament poiriá èsser fach per aqueles servicis d’intelligéncia.
Dins la convèrsa, lo ministre estonian ditz que tot aquò o li an explicat de membres de l’oposicion de sa fisança e ditz tanben qu’a verificat que las plagas dels manifestants e las dels policièrs èran identicas e que podián venir dels meteisses franctiraires. Totun, lo mètge qu’el cita coma font d’aquela donada o neguèt mai tard dins una cadena de television britanica.
Après publicar aquela convèrsa, qu’èra privada e que se sap pas qual l’enregistrèt, lo ministre estonian reconeguèt qu’èra autentica, en nuançant que çò qu’el i ditz es çò que li diguèron a el, quand vesitèt Kyiiv, de mond que son de sa fisança, de mond que li diguèron tanben qu’aquò, lo nòu govèrn o vòl pas metre en examen, e mai s’o li demandan.
Segon Paet, s’el tenguèt aquela convèrsa amb Ashton, es perque considèra que d’investigar pas aquelas acusacions, aquò pòt far mal a las nòvas autoritats ucraïnesas. Mas demanda que, e mai se i ditz clarament çò que i ditz, que se prenga aquela version per bona e segura fins que i aja una enquèsta coma cal.
La publicacion de la convèrsa a causat un grand chepic a l’Union Europèa per las consequéncias que pòt aver sus l’imatge internacional del nòu govèrn ucraïnés, mas tanben perque qualqu’un a capitat d’enregistrar una convèrsa entre un ministre e la representanta europèa per la politica exteriora, e s’es dinfonduda. Fa d’ans que l’OTAN avertís de l’infiltracion dels servicis secrets russes en Estònia. De fach, aquel enregistrament poiriá èsser fach per aqueles servicis d’intelligéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Complotiste-a-s, einuscent-a-s dau viltage glogau, Jan-Babòia, Maria-Joana-Testa-d'Uòu-Bulhit... la vertat es alhor :
http://www.conspiracywatch.info/Comment-la-complosphere-desinforme-sur-l-Ukraine-l-exemple-des-snipers-de-Maidan_a1205.html
Adieu a totes manca al "tres e mai" qu'a pas encara recebut sos corses d'occitan de l'Universitat de Crimèa... Caldrà far un referèndum susvelhat per de militars amb de placas russas mas non identificats/identificables (!!! los unifòrmes se pòdon crompar dins los supermercats locals en Russia!!!) per poder decidir de l'integrar coma estudiant ailà...
L'informacion en se revèla pas grand causa manca lo fach que los russes an d'aurelhas tant grandas coma las dels americans.
Se pòt pas saber pas a debon qual es darrièr los esnipèrs, podrián èsser de gents de l'oposicion mas francament vesi pas tròp l'interès; e subretot deu pas èsser evident 1) de recrutar mai d'1 esnipèr e 2) de los quilhar sus las teuladas... teoricament susvelhadas pels servicis de seguretat de l'estat ucraïnian...
La solucion mai plausibla coma o avançava qualqu'un dins los comentaris de l'article en anglés, es que foguèssen estats mandats pel quite paire de "Me fas paur" (e òc e la maire èra la Cicciolina..., çò qu'explica los complèxes e traumatismes) que demandava dempuèi un brave temps a son amic Ianonet l'emplec d'una solucion mai definitiva contra l'oposicion... Un estat, en general, a d'unitats d'aquesta mena plan formadas en general per tuar de gents a distància...
Nostalgic de l'empèri sovietic coma se poguèt apreciar dins l'espectacle de Sòchi, lo poder rus, eiretièr d'una ONG sonada KGB e acostumat a la democracia coma se vegèt en Chechenia e Georgia demest d'autres, aparentament manda de "toristas" russes dins las manifestacions pro-russas e mai dins los incidents coma se pòt veire dins las fotografias d'una meteissa persona presenta a Odessa e dins l'èst del país que ganhèt l'oscar de la melhora actritz russa...
Mèfi a la desinformacion, n'i a fòrça actualament. Lo govèrn actual es estat elegit pels membres del Parlament e i èra lo Partit de las Regions, doncas a una cèrta legitimitat e mai agrade pas a fòrça gents que manifestèron per encausa de la preséncia de veterans de la politica (e de la corrupcion) e dels oligarcas...
Bonjour à tous,
Il n'y pas si longtemps que ça, on m'a traité ici de KGB, d'extrême droite, de couillon etc...
Bon, ce n'est pas très grave puisque c'est absolument véridique, les trois.
Pour ceux qui pensent que cette belle révolution ukrainienne est spontanée et pas du tout manipulée par l'Occident. Les mêmes qui croyaient naïvement que les révolutions colorées étaient ceci et cela...
Bref. Que dire?
VIVE l'UKRAINE LIBRE! Bouuuuuuu! Méchant Vladimir!!!
Léon Zitrone. Toute une époque.
Signé Furax.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari